١٥ جملة بتقولها البنات لما يعجبوا بواحد: إنت لازم تبطل سجاير وتصلي

11/07/2019

المفروض إنه بيتقال إن البدايات هى أحلى وقت في العلاقات عموما عشان كل شخص بيحاول يبين أجمل وأحسن ما فيه، وعشان الطرفين بيبقوا مهتمين ببعض ومركزين في تفاصيل بعض، لكن عموما لو إنت راجل اهتمامك بيبقى مختلف عن الست، ولو إنتي بنت اهتمامك بيبقى مفقوس جدا ومعروف بالنسبة  للراجل، عشان كده هنقولكوا إيه أكتر الجمل المفقوسة اللي بيعرف بيها الرجالة إنهم عاجبين البنت اللي بيكلموها، وهما:

1- أصحيك تصلي الفجر؟ هصحيك

2- إنت لازم تصلي بقى عشان ربنا يكرمك أو يكرمنا يعني 

3- لازم تبطل سجاير بقي عشان بتضيع فلوسك وصحتك 

4- مش لازم كل يوم تقعد على القهوة أو تروح البلايستيشن 

5- طمنى عليك لما تروح 

6- فركشت مع الإكس بتاعتك ليه؟ مين اللي ساب التاني إنت ولا هي؟

7- بتكلم بنات تاني غيري؟

8- عايزة أكل شاورما/ هاتلي شوكولاتة

9- هكلمك أصحيك عشان ماتتأخرش 

10- فطرت؟ اتغديت؟ اتعشيت؟ اتسحرت؟ طاب كل بقى بدل ما تتعب 

11- شكلك مضغوط، لو في حاجة أقدر أساعدك بيها في شغلك/ مذاكرتك قوللي

12- إيه رأيك في الفستان/ القصة/ الأوتفيت ده؟

13- ألف سلامة عليك.. هكلمك أطمن عليك كل شوية

14- اللي في الصورة معاك دي أختك ولا صاحبتك؟

15- شوفت صورة مامتك قمورة أوي ربنا يخليكوا لبعض 

Comments: