أول حاجة عينك هتشوفها هتكشف أكتر حاجة مضايقاك

15/07/2019

سواء كنت مصدق أو لا فخليك عارف إن عقلك الباطن دايما بيتشد للحاجة اللي هو عليها بالظبط، وصعب جدا تخدعه أو تضحك عليه، عينك بتشوف الصورة كلها بس عقلك هيركز وهيدي الأولوية للحاجة اللي بتعبر عن مشاعره وأكتر حاجة مضايقاك في المطلق.

عشان كده ركز إيه أول صورة حيوان عينك هترجمها في الصورة دي لإنها هتعبر عن أكتر حاجة مضايقاك حاليا، بس خليك عارف إن ده مجرد اختبار ترفيهي:

1- الفهود:

لو شوفت الفهود الأول فمعنى كده إنك أكبر سبب ضاغطك هو علاقاتك الشخصية، لإنك حاسس إنك بتفقد التواصل مع الناس القريبة منك، وغالبا بتبقي مش متأكد هي علاقاتك راحة فين، عشان كده حاول تفتكر ذكريات مشاعرك أول ما بدأت العلاقة دي، ممكن يبقى كل اللي المفروض تعلمه هو إنك تتكلم عن اللي مضايقك، لإن التواصل هو مفتاح حل المشاكل الشخصية.

2- الأسود:

لو شوفت الأسود الأول فده معناه إنك بتكافح عشان تتعامل مع مسؤولياتك طول الوقت، وإنك متعود على رعاية كل اللي حواليك، وبدأت تنسى نفسك أصلا، أهلك وصحابك فاكرين إنك قادر تهندل وتتعامل مع كل حاجة بس في الحقيقة إن لو قشة كمان اتحطت عليك ممكن تنهار، بس عموما خليك أناني شوية لإنه مش عيب تبقى أناني شوية كل فترة، ده الوقت عشان تدلع نفسك وتشحنها تاني.

3- حمار وحشي:

لو أول حاجة شوفتها حمار وحشي فاعرف إن أكبر اهتمام ليك هو صحتك أو اهتمامك بصحة حد من أهلك، عموما إن الشخص يبقى قلقان على صحته شيء كويس عشان على الأقل يحافظ على صحته إن يتبع نمط حياة صحي، لكن لما يتطور الموضوع ويبقى قلق مرضي على صحته فدي ممكن تبقى مشكلة خطيرة، مفيش حاجة تستدعي إنك تقلق بسببها وإنت ماتقدرش تغيرها أو تتحكم فيها.

4- الزراف:

لو شوفت الزراف أول حاجة فإنت حاسس بعدم الأمان المادي وقلقان على شغلك، وللأسف في الأيام دي مطلوب من ناس كتير إنها تتعامل مع الضغوطات اللي بتقابلها في الشغل عشان ظروفها المادية، ومن ناحية تانية فالتكنولوجيا بتتطور بسرعة جدا تخليك تبقى قادر تتعلم حاجات جديدة، لو حاسس لازم تغير وظيفتك فإنت لازم تتعلم مهارات جديدة وخليك صريح مع نفسك عشان تعمل اللي بتحبه.

5- الطائر الأزرق:

لو أول حاجة شوفتها هو الطائر الأزرق فخليك عارف إنك حاسس بالضياع والوحدة في التطور التكنولوجي والعالم الحديث اللي التواصل فيه بيكون بالرسايل والإيملات، ودي حاجة حلوة لإن فيه ناس من كتر التواصل بالإنترنت بدأت تنعزل.

6- الطيور:

لو شوفت أول حاجة الطيور دي فاعرف إنك حاسس بالوحدة، وبتبقى عايز تتكلم مع حد عن مشاعرك لكن إنت مش هتحس بالراحة عشان معتقد إنها مش مهمة، عشان كده خليك واثق في صحابك وعيلتك واتكلم معاهم، لإنك كنت شخص مستقل طول حياتك وماكنتش بتطلب مساعدات من حد، عشان كده صحابك مابيكنوش مدركين إنك محتاجلهم، عشان كده خليك عارف إن مشاركة المشاعر مش معناه الضعف.

Comments: