١٠ أسباب تزور عشانهم متحف نجيب محفوظ

16/07/2019

يوم الحد 14 يوليو، افتتح وزير الآثار متحف نجيب محفوظ، اللي تم التجهيز له في تكية أبو الدهب بحي الأزهر، بعد انتظار 13 سنة من وفاة أديب نوبل، اتعطل فيهم الافتتاح لأسباب مادية ولظروف تجهيز وتهيئة المكان والمعروضات.

جمعنالك هنا أهم الأسباب اللي تخليك محتاج تزور المكان دة.

1- الدخول مجانًا لمدة شهر من يوم الافتتاح.

2- المتحف مكون من دورين عشان يحاكي حياة نجيب محفوظ كلها، الشخصية والعملية.

3- فيه قاعة مخصصة لمقتنياته الشخصية.

4- فيه قاعة الحارة، واللي مخصصة عشان تحكي عن نشأته وحياته في الحارة المصرية.

5- فيه قاعة للأوسمة والشهادات وإهداءات له بخط الإيد من أدباء وشخصيات عامة.

6- فيه قاعة لتراثه السينمائي والندوات.

7- فيه مكتبة عامة، ومكتبة سمعية وبصرية.

8- المتحف بيقدم منح لكتابة الرواية والسيناريو والقصص القصيرة.

9- تم اختيار المكان عشان يبقى وسط الحي والأماكن اللي بتنتمي لها شخصيات "محفوظ" وحصلت فيها أحداث أكتر أعماله، واللي بتطل على جامع الأزهر وشارع الإمام محمد عبده.

10- التكية جزء من مجموعة أبو الدهب الأثرية، اللي تعتبر من أهم المجموعات في العصر الإسلامي، بتنتمي لفترة الحكم العثماني، وهي مأوى للمهاجرين من المناطق المختلفة في الدولة العثمانية، ومكان للمتصوفين بيعلموا فيه الطلبة علوم الدين، بالإضافة لأنها بتجمع بين كونها تكية وجامع.

Comments: