٨ حاجات غير منطقية ممكن تخضك كل يوم: هتوقع قلبك في رجلك

17/07/2019

فيه مواقف صغيرة ممكن تحصل في يومنا العادي بتتحس الواحد إنه إنهار من الخضة وغالبا الخضة دي مابتزدش عن 30 ثانية، لإنها في الغالب خضة مبنية على سوء فهم، النوعيات دي من الخض ممكن تحصل أكتر من مرة في اليوم الواحد عشان كده جمعنالكوا أكتر خضات غير منطقية ممكن تحصل:

1- لما تدور على الموبايل في جيوبك وفي المكان اللي إنت قاعد فيه وفي الآخر يطلع في الشنطة عادي أو العكس.

2- تبعت صورة أو سكرينشوت لحد بالغلط، مع إن ممكن تمسحها في وقتها عادي 

3- لو إنتي أم أو مصاحبة أو مسؤولة عن أي حد فالخضة هي جملة " الهاتف الذي تحاول الإتصال به مغلق أو غير متاح"

4- تسرح أو تنام في الميكروباص أو المترو أو القطر وتفوق مرة واحد، بتبقى فاكر إن المحطة فاتتك وهي لسه ماجاتش أصلا.

5- اللحظة اللي بيقع فيها الموبايل أو اللاب توب على الأرض ودماغك بتصورلك إنه اتدشدش 100 حته 

6- تقفل المكالمة وتتكلم على الشخص اللي كنت بتكلمه وتتخيل إنك ماقفلتش الخط وإنه سمع كل اللي قولته عليه 

7- الجملة الشهيرة بتاعت "فلان، عايزك في موضوع" أو "أنا عايزاك في موضوع"

8- تحلم إنك بتقع من مكان عالي وتقوم من النوم على الحركة بتاعت الوقعة

Comments: