حسب العلم.. ١٠ حاجات "مسخرة" البشر مايقدروش يعملوهم

21/07/2019

العالم كله بيتقدم وكل حاجة بتتطور وتتغير، بس لحد دلوقتي فيه حاجات هيفضل العلم والتطور مش عارف يحلها، ممكن تبقى حاجات بسيطة ماتهمكش في حاجة لكنها مرتبطة بشوية تفسيرات علمية.

موقع Brightside جمع 10 حاجات عجزت البشرية عن إنها تعملها وعجز العلم عن مساعدة البشرية في تحقيقها وهما:

1- تطبق ورقة 8 مرات خصوصا لو ورقة بحجم A4 مش هتتطبق أكتر من 7 مرات:

الدراسات أثبتت إن حتى لو فيه ورقة كبيرة وناشفه صعب تتطبق أكتر من 7 مرات وده تم إثباته عن طريق ورقة حجمها A4

2- تتني صباعك الأخير "الخنصر" من غير ما تحرك أو تتني صباعك البنصر 

الحقيقة إن كل صوابعك مرتبطة ببعض وبيتشاركوا نفس الأوتار فده صعب جدا إنك تتني صباع من غير ما اللي جنبه يتني

3- إنك تتني لسانك:

فيه اعتقاد بين البشر إن الأشخاص اللي بتعرف تلعب بلسانها وتتنيه ده بيبقى عن طريق الجينات، والأشخاص اللي بيعرفوا يتنوا لسانهم على شكل أنابيب مش كتير في العالم عموما.

4- تحريك الودان:

حركة تحريك الودان محتاجة الشخص يحرك 3 عضلات وهما العضلة اللي فوق واللي تحت واللي قدام، وعلى فكرة هي حركة مش مفيدة وملهاش لازمة

5- انك تدخل ايدك كلها في بقك:

محتاج يبقي عندك إيد صغيرة وبق كبير جدا، والموضوع ده مش محتاج أبحاث عشان نثبت إنه مش هيحصل بس إيد البني آدمين بتترواح حجمها بين 15 سم لـ 27 سم، وبقهم بيترواح حجمه في حدود 7 سم.

6- تخلي لسان يلمس كوعك:

مش هتقدر تعمل ده إلا لو لسانك طويل بطريقة بشعة ودراعك قصير، ده غير إنك لازم تبقى مرن، وممكن تجرب الموضوع ده بنفسك عشان تعرف لو كان عندك قدرة خارقة أو حاجة.

7- تتكلم وإنت بتاخد نفسك:

الأحبال الصوتية عاملة زي الناي، فإنت محتاج هوا يمر بيها عشان تعمل اهتزازات وتطلع أصوات، فممكن فعلا تعمل أصوات وإنت بتستنشق بس هتفضل أصوات غريبة.

8- تبلع معلقة قرفة:

القرفة بتحتوى على مواد بتحرق في البوق والحلق عشان كده صعب الشخص يبلع معلقة منها على بعض، وعشان كده ماتبالغش في إنك تحطها على حاجة.

9- تزغزغ نفسك:

علماء الأعصاب لقوا إن الأشخاص فيه جزء في دماغهم صعب إنه يستجيب إنهم يزغزغوا نفسهم وده بسبب إن الجزء ده من الدماغ بيميز المتوقع عن غير المتوقع 

10- تكسر بيضة وإنت ماسكها بصباعين من فوق وتحت بس:

كان فيه سبب معين لاختيار سبب إن البيضة تكون شكلها بيضاوي، لما بنضغط على البيضة بصباعين أتنين من فوق تحت الضغط بيبقى متوزع على البيضة كلها.


 

Comments: