اعرف قايمة أفلام "مارفل" لحد 2022: الأبطال ومواعيد العرض

21/07/2019

في مؤتمر "كوميك كون" الترفيهي في أمريكا، أعلنت شركة "مارفل" التابعة لـ"والت ديزني" عن خطتها السينمائية خلال السنين الجاية، بعد نهاية المرحلة التالتة من عالم "مارفل السينمائي" بفيلم Avengers: Endgame، والمرحلة الجاية من خطة "مارفل" هتشمل عدد كبير من الأفلام الجديدة، منها شخصيات ظهرت قبل كده في "عالم مارفل"، وشخصيات جديدة تماما، ودي أهم الأفلام اللي هتقدمها "مارفل" الفترة الجاية:

1- The Eternals

بطولة أنجلينا جولي وريتشارد مادن وكميل نانجياني وسلمى حايك، وبيتكلم عن مجموعة من الكائنات الغريبة الخالدة، اللي هتشكل العالم وحضارته، ومن المنتظر طرحه في دور العرض في نوفمبر 2020

2- Thor: Love And Thunder

في جزء رابع من سلسلة أفلام Thor، هتقدم "مارفل" نسخة نسائية من الفيلم بطولة ناتالي بورتمان، اللي هتلعب دور إله الرعد، ومن المنتظر صدوره في دور العرض، في شهر نوفمبر 2021.

3- Blade
 

بطولة ماهرشالا علي الفائز بجايزتين أوسكار عن فيلمين "مونلايت" و"جرين بوك"، وحتى الآن مفيش أي تفاصيل عن الفيلم ده، غير إنه في فيلم بنفس الاسم صدر سنة 1998.

4- Doctor Strange in the Multiverse of Madness

جزء تاني من فيلم Doctor Strange اللي صدر سنة 2016، قصة الفيلم مش معروفة لحد دلوقتي، لكنه هيكون بطولة بنديكت كومبرباتش وإليزابيث أولسن، وهينزل في 2021.

5- Black Widow

للمرة التانية هتقدم سكارليت جوهانسن دور "الأرملة السوداء"، وهيشاركها البطولة ديفيد هاربر، ومن المنتظر صدوره في 1 مايو 2020.

6- The Falcon and The Winter Soldier!

أول مسلسل هيعرض حصريا على منصة "ديزني +" (حاجة كده شبه نيتفلكس)، المسلسل هيبقى بطولة أنطوني ماكي وسباستيان ستان ودانيال برول.

7- Shang-Chi and the Legend of the Ten Rings

شخصية تشانج شي الشهيرة في عالم "مارفل" للكوميكس، هتتحول للسينما لأول مرة، الفيلم هيركز على بطل الكونج فو "تشانج شي" وهينزل 12 فبراير 2021

8- Wanda Vision

مسلسل بطولة بول بيتاني وإليزابيث أولسن، معتمد على شخصيات عالم "مارفل" السينمائي، ومنتظر صدوره في نهاية 2019

Comments: