هاشتاج "البنات ناقصها إيه".. البنات طلعت عايزة إيه؟

21/07/2019

"البنات عايزة إيه؟" سؤال أزلي اتقدم بأشكال مختلفة صحفيًا وأدبيًا وسينمائيًا، زي فيلم "What women want 2000"، فيلم "البنات عايزة إيه؟ 1980" وكتاب "الرجال من المريخ والنساء من الزهرة" لـ جون غراي،  لحد ما اتطور النهاردة وبقى هاشتاج #البنات_ناقصها_إيه.

هاشتاج "البنات ناقصها إيه" على "تويتر" هو مساحة حرة، مش مقتصر على رأي واحد أو وجهة نظر محددة، الكل بيشارك فيه، لحد ما بقى التريند الأول في مصر النهاردة.

شارك في الهاشتاج الولاد والبنات، واختلفت الأراء بين هزار وميمز وبين جد وتعبير حقيقي عن مشاعر وأفكار وكان أهمها إن البنات ناقصها:

1- الاحترام

2- الأخلاق

3- سندوتش شاورما

4- اهتمام

5- حرية زي الولد

6- تسافر براحتها 

7- ماحدش يقولها "مفيش بنت تعمل كذا"

8- وهو إحنا عندنا بنات؟!

9- ولا حاجة!

10- لو مهتم هتعرف لوحدك!

11-الحياء والدين والستر

12- رجالة ومعاهم فلوس

13- هدية مفاجئة

14- رجالة تحافظ عليهم

15- عقل

16- تربية

جدير بالذكر إن دة مش الهاشتاج النسوي الأول اللي يظهر في الوقت الأخير يطالب بحقوق المرأة، فالأول كان "MeToo" واللي كان نافذة لكل ست إنها تحكي قصص تحرش أو تعدي عليها وشارك فيه عدد ضخم من البنات والسيدات ومنهم مشاهير، ومؤخرًا ظهرت هاشتاجات مرتبطة باتهام اللاعب عمرو وردة بالتحرش، ورافضة لعدم المساواة في رد الفعل تجاهه وموقف الناس الذكوري من الحادثة.

Comments: