عبثيات: إزاي تعمل اشتراك في الجيم؟

22/07/2019

مبدئيا كده أكيد حاولت ولو مرة واحدة في حياتك إنك تروح الجيم أو تلعب أي رياضة، بس الموضوع يا بيقف في فترة أو مابيبدأش من الأول أصلا، عشان كده خلينا نقولك إزاي تأخد أول خطوة وتدفع اشتراك الجيم في شوية نصايح:

1- اسأل على أقرب جيم من بيتك بس يكون فيه تكييف كويس ويكون فيه "كوتش" عشان تظبط "شيب" جسمك مش مجرد تتمرن وتخس بس.

2- اختار الجيم في مكان بينك أنت وصحابك عشان حد يروح معاك وتشجعوا بعض وماتكسلش 

3- اختار الأيام اللي تبقى مناسبة ليك وليهم، وياريت لو تظبطوا مواعيد سوا عشان ده شيء هيشجعكوا

4- في الغالب اشتراك الجيم بيبقى في حدود من (300 جنيه لـ 800)، استني أول الشهر عشان محدش منكوا يبقى عنده حجة، اتفقوا على معاد تنزلوا تدفعوا فيه وتبدأوا في نفس اليوم.

5- خد الفلوس اللي هتدفعها في الجيم للتعب والمرمطة وشد العضلات وروح بيها على البرنس ولا كابر صبحي كل اللي عايزة واتبسط وخلي صحابك هما اللي يشتركوا، وكده تبقى عملت الخير ورميته البحر.

Comments: