٥ اختلافات بين النسخة الأصلية من فيلم "The lion king" والنسخة اللايف أكشن

24/07/2019

تقريبا فات 25 سنة على فيلم "The Lion King" أو الأسد الملك لكن النسخة الكارتون اللي نزلت سنة 1994، وبالرغم إن فيلم اللايف أكشن منه لسه نازل السنة دي في 2019 وبتطور إلا إن برضه في اختلافات بين النسختين، حتى في أبسط التفاصيل اللي متعلقة بإن صوت شخصيات الفيلم اتغيرت، خلينا نقولك الفرق بين النسختين:

1- اللايف أكشن فيه واقعية أكتر من النسخة الأنيمشين:

طبعا أكتر فرق واضح بين النسختين هو فرق التصوير بين النسختين، وفي النسخة اللايف أكشن تم استخدام صور فيها من الحقيقة لدرجة تحسسك إنك بتتفرج على فيلم وثائقي على ناشونال جيوجرافيك، وبالرغم من إن ده ممكن يحسس المشاهد بالواقعية أكتر إلا إنه بيخليه صعب يتخيل ردود أفعال الشخصيات لإن الشخصيات مالهاش نفس التعبيرات اللي بتوضح ردود الأفعال وبالتالي ممكن المشاهد مايبقاش متحمس، وده على عكس النسخة الأصلية اللي بتبين رد فعل الشخصيات بالتفصيل زي نظرات موفاسا وهو بيقع وبيموت، والنسخة اللايف أكشن فيها تشاؤم أكتر وده اللي بيخلي الفيلم درامي أكتر من اللزوم، وطبعا في النسختين أكيد هتعيط وموفاسا بيموت.

2- نالا خدت دور أكبر في تغيير مسار الحكاية:

الطريقة اللي نالا حاولت بيها إنها تهجم على تيمون وبومبا بينت قد إيه هما فقدوا قوة في عهد سكار، وبعد ما لقيت سيمبا واقنعته إنه يرجع تاني للمملكة، دخلت معركة مع ضبع، وفي حوار مع وكالة "أسوشيتيد برس" قال المخرج إنه صمم إن نالا شخصية قوية جدا ومحاربة بس ليها قلب وعاطفة طاغيين عليها، وصمم إن تكون مشاهد صراعاتها مع الأسود تكون على هيئة عرض مسرحي.

3- زازو ورفيكي طلعوا بشخصيات مختلفة:

زازو في الفيلم كان أكتر نشاط في مساعدة الأسود عشان يسترجعوا المملكة أكتر من فيلم الانميشن، وفي فيلم الانيميشن سكار حبسه عشان يغني له ويساعده بأراءه، رفيكي كده كده هو بتعامل على أساس إنه مشرف على المملكة، هو ساعد سيمبا عشان يفهم مصيره عشان يبقى ملك المملكة بعد كده، لكن في النسخة اللايف أكشن هو بيساعد سيمبا عن طريق إنه بيساعده ضد الضباع.

4- سكار والضباع مخيفين وأشرار أكتر:

سكار فعلا شخصية مخيفة وشريرة في النسخة الأصلية، لكن في النسخة اللايف أكشن مفتقد عنيه الخضرا الشريرة اللي كانت مخلياه كأنه شخص هو عارف كويس عايز إيه وبتحدى الناس بشره، والضباع كمان بانوا إنهم أشرار أكتر في النسخة اللايف أكشن خصوصا لإن عددهم أكتر ووباين إن عندهم مخططات شريرة أكتر من كونهم طايشين.

5- تم إضافة أغاني جديدة في الفيلم غير أغاني الفيلم الأصلي:

بيونسيه غنت أغنية في الفيلم خلت أي حد يسمعها يقشعر ده غير إن الأغنية بتبدأ بلغة سواحيلية في الأول ومتصورة في  محمية هافاسوباي في أريزونا، وكان فيه أغنية جديدة في الفيلم اللي غناها تيمون لما كان بيعرض على بومبا الضباع كغدا له وهي " "Be Our Guest" وكانت شبه أغنية الجميلة والوحش وهي بتقدمله أدوات المطبخ 

Comments: