٥ مليار دولار عقوبة على "فيس بوك" بسبب سوء استخدام أرقام المشتركين

25/07/2019

لجنة الرقابة الفيدرالية FTC  فرضت غرامة على الفيسبوك قدرها 5 مليار دولار حسب ما نشرت صحيفة "واشنطن بوست"، قيمة الغرامة اتخففت لإنه كان مفروض تفرض عليهم غرامة بعشرات المليارات، وكان عندهم النية كمان إنهم يفرضوا عقوبات على المديرين التنفيذيين بما فيهم مارك زوكربيرج، ومن واجبات الوكالة كمان إنها تحاسبهم لو ظهر من فيسبوك أي غلطات تاني في المستقبل.

المخالفات اللي عاملها الفيسبوك هي كانت إساءة استخدام بصمات وش بعض المستخدمين وأرقام تليفوناتهم اللي بيبقي المستخدمين حاطنها في الأكونتات بتاعتهم كنوع من الأمان والحماية للأكونت عشان يفعلوا ميزة تأكيد الهوية بخطوتين أو اللي هي اسمها Two-Factor Authentication عن طريق كوود بيتبعت للموبايل لو فيه حد تاني حاول يفتح الاكونت بتاعك من جهاز تاني.

المستندات المسربة اللي نشرتها واشنطن بوست بتقول إن الهيئة انتقدت إن الفيسبوك بيستغل الرقم اللي بتحطة كأدأة تأمينية وبيسلمها للمعلنين عشان يستهدفوا الشخص بإعلاناتهم، أما عن موضوع بصمة الوش الفيسبوك أصلا مش موضح بشكل كافي إزاي المستخدمين يقدروا يمنعوه من استخدام بصمة وشهم، لكن دي حاجة ممكن توقفها زي ما تحب من اللينك ده: http://bit.ly/2Y0lZ0x 

ودي ماكنتش أول مشكلة من نوعها لإن تم تسريب بيانات بعض المستخدمين في فضيحة كامبريدج التحليلية عشان استهداف الناخبين الأمريكيين فى انتخابات الرئاسة الأمريكية سنة 2016.

Comments: