٩ أسباب تخليك تسمع أغنية "آه يا حنان"

28/07/2019

من أربع أيام تقريبا نشرت شركة "NJ Music Production" أغنية لمصطفى حجاج جديدة بعنوان "آه يا حنان" الأغنية انتشرت بسرعة نوعا ما على الإنترنت زي ما أغاني مصطفى حجاج انتشرت قبل كده زي "يا بتاع النعناع يا منعنع" و "خطوة" وغيرهم من الأغاني اللي سمعت جدا مع الناس.

بس أغنية "آه يا حنان" فيه أسباب منطقية كتير تخليك تسمعها زي:

1- لو تعرف واحدة اسمها حنان لازم تسمع الأغنية لإنك هتستخدمها وهتسمعها في مناسبات كتير تخص حنان

2- لإن كل جملة أو جملتين من الأغنية ليهم سياق معين غير اللي قبلهم واللي بعدهم فمش هضطر تحفظ كلمات الأغنية 

3- مفيش موضوع معين للأغنية عشان كده برضه مش محتاج تركز وإنت بتسمع الأغنية خالص 

4- جمل الأغنية تنفع كابشن لصور على الفيسبوك أو لصور محل سمك عادي برضه

5- لو بتحب الخليل كوميدي والألش بتاعه هتتبسط جدا بالأغنية دي وبالكام ألشة اللي فيها

6- اللي كتب الأغنية عنتر هلال وهو اللي كتب أغاني كتير في التسعينات خصوصا أغنية "كمانانا"

7- عشان أغاني مصطفى حجاج بتنتشر جدا وأكيد أكيد هتسمع الأغنية دي في موسم التزاوج الجاي أو الحالي يعني

8- الأغنية بتتصنف كأغنية كوميدية فالمفروض تضحكك وترقصك في نفس الوقت.

9- وأكيد هتلاقي جوهرة نزلت فيديو وهي بترقص عليها وبتغمز وبتمثل كل الشقلبة اللي في الأغنية دي 

Comments: