في عيد ميلادها.. "بلاي ليست" لأغاني ماريا "العب العب": ملكة جمال البيكيني

01/08/2019

الفترة اللي كانت ميلودي مولعة فيها الدنيا بالأغاني اللي بتنتجها، كانت أهم الفيديو كليبس بتبقى إخراج جاد شويري، وقتها جاد اكتشف المغنية الأرمنية ماريا نالبنديان اللي اتشهرت باسم "ماريا العب".

ولإن السنين بتعدي وإحنا مش حاسين، النهاردة عيد ميلاد ماريا الـ 34، ماريا في الأول فازت بلقب ملكة جمال البيكيني بقارة آسيا سنة 2002 وبعد كده بدأت مشوارها مع الفني مع جاد شويري سنة 2004 بأول كليب ليها وهو "العب العب"، الكليب اتشهر جدا ومن بعدها اتشهرت بسببه وشقت طريقها، اللي كان فيه فترة توقف كبيرة تقريبا من 2008 لـ 2013، وآخر عمل فني ظهرت فيه قبل اختفاءها هو فيلم "بدون رقابة" ولما رجعت للغنا تانى في 2013 غنت بلغتها الأم اللغة الأرمنية، وعملت ألبوم في 2015 باللغة الأرمنية.

وبمناسبة عيد ميلادها عملنا بلاي ليست لماريا عشان لو نسيت أغانيها أو بتسأل هي راحت فين وعشان تحتفل بعيد ميلادها معاها:

1- العب العب 

2- بتكدب عليا 

3- بحبك قد إيه 

4- ستوب- تعالى بس 

5- بحب الماس 

6- دى كينا

7- حلم 

8- ندرا عليا 

9- Djane Djan

Comments: