سبب حريق معهد الأورام بالمنيل: تصادم عربيتين

04/08/2019

سكان المنيل سمعوا صوت انفجار شديد، وبعد كده انتشرت أخبار عن حريق في معهد الأورام الموجودة على كورنيش المنيل، وانتشرت شائعات تانية على السوشيال ميديا بتأكد إنه الحادث سببه انفجار أسطوانات أكسجين المعهد متأثرة بضغط الجو، لكن الدكتور حاتم أبو القاسم عميد معهد الأورام قال في تصريحات صحفية، إن سبب الحريق هو تصادم عربيتين قدام المعهد وأكد إن المعهد سليم لكن الإزاز بس هو اللي اتكسر  

والحادثة كانت السبب في حريق عدد من العربيات ووقوع ضحايا واللي لحد دلوقتي وصل عددهم لمصرع عامل وإصابة ٢ عمال في المعهد القومي للأورام. 

الجدير بالذكر إن الأجهزة الأمنية قفلت كل الطرق المؤدية لمعهد الأورام من ميدان التحرير لكن إدراة المرور قررت تسيب تحويلة للعربيات والمارة.

Comments: