البيان الرسمي عن حادثة معهد الأورام: عربية تابعة لحركة "حسم" وشايلة متفجرات

05/08/2019

وزارة الداخلية المصرية أصدرت بيان كشفت فيه ملابسات حادث انفجار حصل قدام معهد الأورام بمنطقة المنيل، واللي راح ضحيته لحد دلوقتي حوالي 19 شخص بالإضافة لأكتر من 30 مصاب.

كلام كتير انتشر عن الواقعة، وإن سببها انفجار أسطوانة أكسجين داخل المعهد القومي للأورام، لكن الرواية الرسمية اللي طلعتها وزارة الداخلية، هي أن المتسبب في الحادث عربية ملاكي كانت ماشية عكس الاتجاه فاصطدمت بـ 3 عربيات، وشدة الانفجار كانت بسبب إن العربية اللي ماشية عكس كانت شايلة كمية كبيرة من المتفجرات.

"الداخلية" أكدت في البيان إن العربية اللي شايلة المتفجرات، مبلغ بسرقتها من كذا شهر في محافظة المنوفية، وإن المتفجرات اللي حملتها العربية كان مخطط استخدامها في عملية إرهابية لحركة حسم الإرهابية التابعة لجماعة الإخوان.

Comments: