١٠ أسباب بتخلينا نقول العيد كئيب

08/08/2019

القاعدة بتقول إن العيد فرحة، بس التنفيذ كتير بيقول إن العيد كئيب، حاجة ممكن تندرج تحت باند أشياء كلنا عارفينها ضمنيًا لكن ما بنقولهاش، وهنا هنحاول نحلل ليه بنحس بالكئابة في أجازة في العيد، رغم إن الجملة مليئة بالكلمات المفرحة "عيد" و"أجازة".

1- بنسهر للصبح في الوقفة، واليوم بيتقلب من بعدها ولوقت طويل، بتنام متأخر وتصحى متأخر طول الأجازة وبتشيل هو رجوع الشغل.

2- معظم المحلات قافلة وما بتعرفش تشتري احتياجاتك، واللي فاتح ما عندوش كل حاجة.

3- مفيش أي خدمات، دكاترة، حد يصلحلك حاجة.. إلخ.

4- أغلب الشوارع مضلمة مفيش غير الأماكن المحيطة بالسينمات والمطاعم.

5- لو عايز تخرج مش هتعرف من الزحمة والعشوائية في الشوارع.

6- لو عرفت تخرج مش بالسهل تعرف تقعد في أي مكان أو تلاقي حجز فيه -ممكن تبقى بتروحه في العادي من غير حجز-.

7- كل دة بيخليك تقعد في البيت مجبر مش بمزاجك، دة بيولد شعور إنك محبوس حتى لو كنت في العادي هتختار قاعدة البيت.

8- لو مش بتحب اللحمة الضاني والولايم المصاحبة لها هتتكدر في البيت أو العزومات، ولو هتطلب أكل، الكواليتي مش بيكون أحسن حاجة بسبب الضغط.

9- لو سافرت مكان في الأجازة بتعتبر موسم، "هاي سيزون" يعني أزحم حاجة في الحياة.

10- العيد موسم أفراح واحتفالات، ولو إنت مش من هواة حضورها، يا هتحضر يا هتواجه مشاكل التهرب.

Comments: