٥ مسلسلات هيعجبوك لو حبيت "La casa de papel"

20/08/2019

مؤخرًا صنفت مجلة "forbes" العالمية رسميًا مسلسل "La casa de papel" أو "Money heist" كأكثر المسلسلات غير الناطقة بالإنجليزية مشاهدة في 2018، واستمر النجاح ده بعد إطلاق شبكة "نتفلكس" للجزء التالت، في نفس السياق كانت من أهم عناصر نجاح المسلسل اللغة الأسبانية وتفاصيلها، عشان كده بنقدملك المسلسلات اللي لو حبيت "La casa" يبقى ممكن تحبها سواء عشان لغتها أو نوع محتواها، زي ما جمعها موقع "The Opera Magazine".

1- El Señor de los Cielos

ترجمته بالإنجليزي "The Lord of the Skies" وهو مبني على قصة حقيقية، لحياة تاجر المخدرات المكسيكي "Amado Carrillo Fuentes".

المسلسل درامي شوية اكتر من "La casa de papel" لكن على نفس مستوى الحركة اللي فيها والقصة.

2- Bodyguard

مسلسل سياسي بيحكي قصة "ديفيد" الحارس الشخصي المكلف بحماية وزيرة الداخلية البريطانية، وبيدو المسلسل من الانطباع الأول قصة حب بين الحارس والمسؤولة المهمة، لكن هو بيقدم مجموعة قضايا وأشكال من الفساد بيتم مناقشتها خلال الحلقات.

3- Narcos

عكس "La casa de papel" اللي هو مسلسل خيالي بالكامل، "Narcos" مبني على قصة حقيقية، وبيحكي عن تاجر المخدرات الكولومبي "Pablo Escobar"، وقصة صعوده للسلطة.

المسلسل متوفر على "نتفلكس"  بالإنجليزية والأسبانية.

4- Prison Break

من أهم العناصر في "Money heist" هو الخط اللي بيحكي القصة بين "البروفيسور" و"راكيل" المحققة في القضية، واللي بيلعبوا لعبة القط والفار وبتتحول للعبة شخصية بينهم، نفس الخط ممكن تلاقيه في مسلسل "Prison Break" بين المحقق اللي بيقوم بدوره "William Fichtner" و"Wentworth Miller".

المسلسل بيحكي قصة واحد بريء بيتحكم عليه بالإعدام وبيتبعت السجن لحين التنفيذ، وبيحاول أخوه إنه ينقذه عن طريق دخوله نفس السجن.

5- Breaking Bad

من الأجزاء المهمة في المسلسل الأسباني، هي فكرة إخفاء "البروفيسور" هويته الحقيقية خلال الأحداث، وده نفس العنصر اللي بيستغله "Breaking Bad" لتقديم قصة مدرس كيميا، اتجه لتصنيع المخدرات عشان يأمن مستقبل أسرته.


 

Comments: