بنك الأسئلة.. دليلك المجمع لـ "فتح المواضيع"

22/08/2019

من أبرز تحديات عصر السوشيال ميديا والتكنولوجيا هي إنك تبقى بتعرف "تفتح مواضيع"، والصعوبة الكبيرة في الغالب بتكون لو بتتعرف على حد جديد، مفيش مساحة كبيرة بينكوا للدخول في أمور شخصية أو السؤال عن تفاصيل حياة الشخص اللي قدامك، من ناحية تانية مش هيكون ألطف حاجة إنك تقعد تتكلم عن نفسك طول القاعدة، عشان كدة جمعناك عدد من الأسئلة الغريبة والمبتكرة اللي ممكن تستخدمها في المواقف دي زي ما قدمهم موقع "Conversation starters world".

1- إيه أكتر حاجة لونها ثابت حواليك ممكن تحب تغير لونها؟

2-إيه أغرب محادثة بين اتنين سمعتها في حياتك؟

3- اكتر حاجة مش بتحبها بدون سبب واضح؟

4- إيه أكتر طعم أيس كريم مش مقنع بالنسبة لك؟

5- إيه الحاجة اللي عمرك ما اشتريتها ولا هتفكر تشتريها؟

6- مين أكتر بطل فيلم كرتون مفضل ليك؟

7- لو هتبني بيت من أكلة بتحبها، هتبقى إيه؟

8- مين في حياتك أو شخصية عامة شوفت إنه في موقف كان لازم يستسلم لكن هو مفضل مكمل ومتمادي في اللي بيعمله؟

9- حاجة في الحياة الناس مش مدينها حقها من التقدير؟

10- إيه الحاجة اللي نفسك يبقى عندك شباك بيطل عليها؟

11- إمتى أخر مرة وقفت تشم وردة؟

12- أخر حاجة اشتريتها وطلعت أحسن من توقعاتك؟

13- لو عندك قدرة تتكلم لغة تانية بطلاقة، هتختار أي لغة؟

14- إيه أغرب هدية جتلك في حياتك؟

15- إيه أسوأ حاجة ممكن حد يعملها ويبقى مش مخالف للقانون؟

16- لو فيه مبنى في أي مكان في العالم بإيدك تغير مكانه، هيكون إيه وهتنقله فين؟

17- إيه أكتر موقف قليل الذوق اضطريت تعمله مع حد؟

18- أكتر لعبة شاطر فيها؟

19- أكتر مشهد مرعب في فيلم شوفته في حياتك؟

20- إيه أهم ملف على الكمبيوتر بتاعك؟

21- إيه أطول وقت قعدته من غير نوم قبل كده؟

22- أكتر مكان كنت بتروحه في طفولك واتدمر دلوقتي؟

23- هتعمل إيه لو صحيت بكرة لقيت نفسك عندك 13 سنة لكن عندك خبرة وذكريات دلوقتي؟

24- إيه أكتر حاجة مفيدة حقيقي اتعلمتها من مامتك وباباك؟

25- أكبر مثال في حياتك على انتصار كبير حققته؟

26- إيه أكتر فعل ممل في الحياة؟

27- أكتر حقيقة كنت تتمنى لو عمرك ما عرفتها؟

28- إيه الأكلة اللي بتعرف تطبخها؟

Comments: