١٠ حاجات تخلي "تشاندلر بينج" زوج مثالي

28/08/2019

"فريندز" من المسلسلات الأكثر شعبية على مستوى العالم، وعلى الرغم من مرور أكتر من 15 سنة على انتهاء عرض أخر جزء منه، إلا إن نجاحه بيزيد وبيتغلل بين الأجيال الأصغر سنًا، وبيزيد معاه التعلق بشخصياته وقصصهم، ومن أهم قصص "فريندز" هي علاقة "مونيكا" و"تشاندلر".. ليه "تشاندلر" ممكن نعتبره بيقدم مواصفات الزوج المثالي؟

1- شخص بسيط متصالح مع عيوبه وبيتكلم عنها طول الوقت.

2- بيهزر كتير بس وقت الجد دايمًا بيكون له موقف حقيقي وجاد.

3- بيقدّر مميزات مراته من غير تحاول تلفت نظره لها.

4- كان عنده الجرأة يغير مجال شغله رغم إنه متجوز ومسؤول لكن ما استسلمش.

5- مش الشخص المتميز بالنسبة لكل العالم، لكن متميز ومناسب لشخصية واحدة اللي هي "مونيكا".

6- المسلسل طول الوقت بيقدم شخصية "مونيكا" أقوى من شخصيته لكن هو بيقدر يحتويها/ بيخاف على مشاعرها لكن مش زوج ضعيف مستسلم، ودول بينهم خيط رفيع.

7- قادر يوازن بين حفاظه على أصدقاءه قريبين زي ما هما، وبين وقته وتفضيله لمراته، وفي نفس الوقت ما حاولش هو يبعدها عن أصحابها أو شغلها.

8- شاف "مونيكا" في أوقاتها الصعبة والحلوة قبل ما تكون معاه وكان ذكي كفاية إنه يفهم شخصيتها كويس.

9- مش شخص متطلب، وبيعرف يقدّر ظروف مراته وشغلها، وليك في موقفه أما جابلها رحلة وما قدرتش تسافر عشان شغلها فسافر مع روس أفضل مثال.

10- على نفس مستوى ذكاء وثقافة شريكته.

Comments: