٢٥ حقيقة صادمة عن صناعة الإباحية: فيلم جديد كل ٣٩ دقيقة.. وتجارة بـ ١٠٠ مليار دولار

29/08/2019


رغم إن الفرجة على الأفلام الإباحية أغلب الوقت بتكون سرية، إلا إن الفعل السري/ الفردي ده، هو الشيء الأكثر شيوعا وانتشارا وتحقيقا للأرباح على الإنترنت.

ممكن تكون مدرك قد إيه صناعة الأفلام الإباحية رائجة ومنتشرة، وعارف إن مواقع البورن ليها مكانة كبيرة جدا في قوايم المواقع الأكثر مشاهدة، لكن أرقام الـ Porn Industry هتفضل مذهلة وهتفضل تدهشك من ضخامتها، سواء من ناحية عدد المشاهدات في كل ثانية (ثانية مش دقيقة)، أو عدد البني آدمين اللي بيدخلوا على المواقع، أو عدد الأفلام اللي بيتم إنتاجها في اليوم الواحد.

موقع Fact Retriever جمع 20 حقيقة صادمة عن الـ Porn Industry

1- في أمريكا بس، فيلم بورن جديد بيتم إنتاجه كل 39 دقيقة

2- حجم الـ Porn Industry في العالم وصل لـ 100 مليار دولار

3- في 2013، موقع PornHub الشهير حصل على 14 مليار زيارة، بمعدل 1.6 مليار زيارة في الساعة الواحد على مدار السنة

4- في دراسة، 20% من الرجالة و13% من الستات اعترفوا إنهم بيشوفوا بورن في الشغل

5- ممثلين الأفلام الإباحية الرجالة بيتقاضوا حوالي 150 دولار في المشهد الواحد، في حين أجر الست بيكون من 600 لـ ألف دولار في المشهد

6- في التمانينات، حصل تفشي لفيروس نقص المناعة "إيدز"، بين عدد من ممثلين البورن، ومات بسببه كتير منهم

7- عائد المحتوى الإباحي على الإنترنت، أكبر من عائد شبكات ضخمة جدا زي CBS وABC وNBC مجتمعين

8- في كل ثانية، المحتوى الإباحي بيحقق 3 آلاف دولار

9- في كل ثانية، حوالي 30 مليون بني آدم حوالين العالم بيتفرجوا على "بورن"

10- 35% من المحتوى اللي بيتحمل من الإنترنت، محتوى إباحي

11- 68 مليون عملية بحث عن المحتوى الإباحي شهريا

12- 12% من المواقع الموجودة على الإنترنت، مواقع إباحية

13- الأفلام الإباحية اللي أبطالها أطفال بتحقق عائد بيوصل لـ 3 مليار دولار سنويا (العالم مرعب فعلا)

14- في 2004، بعد فوز "بوش" الابن بانتخابات الرئاسة في أمريكا، ارتفعت نسبة البحث عن المحتوى الجنسي على الإنترنت بشكل كبير في الولايات الداعمة لـ"بوش"، العكس حصل في انتخابات 2008 بعد فوز "أوباما" ارتفع البحث عن المحتوى الإباحي في الولايات الداعمة ليه، والباحثين فسروا السبب النفسي ورا الظاهرة، وهو إن التواجد في الفريق الكسبان بيعلي مستويات التيستستيرون

15- وظيفة قائمة بذاتها، اللي بيشتغلها اسمهم Fluffers ، دورهم تحفيز وإثارة أبطال الأفلام قبل بدء التصوير

16- صناعة الأفلام الإباحية بدأت مباشرة بعد صناعة الفيلم السينمائي سنة 1895

17- على مر التاريخ، صناعة المحتوى الإباحي وصلت للجمهور عن طريق كل وسائل الاتصال من أول الطباعة على الأحجار، للطباعة الورقية، أفلام الفيديو والـ DVD والتلفزيون والإنترنت

18- في دول زي إيران وكوريا الشمالية، إنتاج وتوزيع الأفلام الإباحية عقوبته الإعدام

19- متوسط بقاء المستخدم الواحد على الموقع الإباحي في الزيارة الواحدة، 6 دقايق و20 ثانية

20- كلمة pornography موجودة في قاموس أكسفورد من سنة 1857

21- دراسة في جامعة هارفارد كشفت إن نسبة الاشتراكات في المواقع الإباحية على الإنترنت، أعلى في المدن المحافظة

22- في استطلاع لفنادق هيلتون، شيراتون، حياة، ماريوت، هوليداي إن، لقوا إن 70% من عوائد الـ Room Service جاية من الأفلام الإباحية

23- الدول اللي الوصول فيها للمحتوى الإباحي سهل، هي أقل الدور تسجيلا للجرائم الجنسية (التحرش والاغتصاب وغيرهم)

24- دراسة هولندية أثبتت إن في ارتباط ضعيف جدا، بين مشاهدة الأفلام الإباحية وإجادة ممارسة الجنس

25- 11 سنة، هو متوسط عمر الأشخاص لما بيتفرجوا على أفلام إباحية للمرة الأولى في حياتهم

Comments: