صور.. النرويج عملت أحلى حمام في العالم: الجمال مش في الأوبرا بس

29/08/2019

الدول الإسكندنافية اللي في شرق أوروبا (الدنمارك، والنرويج، والسويد، وفنلندا وآيسلندا)، بتتمتع بجمال الطبيعة والشعب الودود وإن هندستها المعمارية أنيقة وبسيطة، ده غير قوانينها اللي بتحترم حقوق الإنسان وطقوسها الفريدة.

تقريبا كده النرويج صممت أحلى حمام في العالم، باين فيه الدقة والفن كأنه جزء من معمل تكنولوجيا وهو في الحقيقة ولا حاجة غير حمام عشان الناس تعمل فيه بيبي عادي.

وحسب ما قال موقع Boredpanda، اللي صمم الحمام ده 2 مهندسين معماريين هما "ماريت جوستين هاوغن" و"دان زوهار" من أوسلو، والهدف منه هو إنك تقدر تشوف الجمال في أي مكان، لإن مش بس الأوبرا والبرلمان والمكتبات والأماكن المهمة بس اللي لازم يبقى شكلها جميل.

وفي العموم، مين هيحب يروح حمام مضلم ويكئب؟ أي حد بيفضل إنه يروح مكان منظره جميل ويستحق الزيارة، ومكان يقدر يسترخي فيه، ويفكر في اللي عايز يفكر فيه براحته، عشان يبقى حرفيا "بيت الراحة".

Comments: