١٨اقتراح ممكن تعملوه مع بعض غير "نتفرج على فيلم"

02/09/2019

مؤخرًا أصبح أسهل حاجة ممكن حد يقترحها للترفيه هي الفرجة على الأفلام، وعلى الرغم من جمال ورقي النشاط ده، إلا إنه يصلح إنك تعمله وإنت لوحدك، وممكن يضيع وقت كان ممكن استغلاله في تطوير الروابط بينك وبين حد وخصوصًا لو شريكك، من ناحية تانية ولو إنتوا لسة ما وصلتوش لمرحلة إنكوا تبقوا شركا، مش أفضل حاجة ممكن تعملوها إنكوا تقعدوا تشوفوا مسلسل أو فيلم، عشان كده جبنالك حاجات بنفكرك إنك ممكن تعملها معاه بدل ما تتفرج على فيلم زي ما قدمها موقع "Cosmopolitan".

1- تركبوا عجل.

2- تطبخ بنفسك أكلة بيبحها.

3- تحضروا حفلة.

4- تعيدوا ترتيب ديكورات البيت.

5- روحوا لمكان بيعمل حاجات مبتكرة من الشيكولاتة.

6-اتمشوا في أحياء جديدة غير اللي ساكنين فيها.

7- احضروا مسرحية.

8- اعملوا "بيكنيك" رحلة خلوية في حديقة، تجهزولها أكل وشرب وكل حاجة.

9- روحوا الجيم.

10- روحوا أماكن جبلية تقدورا تشوفوا فيها النجوم خصوصًا لو في يوم مفيهوش قمر، وفيه تطبيقات دلوقتي بتساعدك تشوف كل مجموعة نجوم والأشكال اللي بتكونها.

11- زوروا المتاحف الموجودة في محيطكم، لو معاكوا مرشد الزيارة مش هتكون مملة.

12- احضروا مع بعض حصة لتعليم أي حاجة بتحبوها.

13- العبوا حاجة.. بجانب بنك الحظ والكوتشينة والدومينو، فيه ألعاب لها تطبيقات مختلفة زي "Heads up" و"never i have ever".

14- اتفقوا على كتاب تقروه مع بعض، واتكلموا عنه أما تتقابلوا.

15- سمعوا بعض أغاني بتحبوها.

16- اعملوا قايمة بالحاجات اللي عايزين تعملوها مع بعض في المستقبل.

17- شوفوا ريفيوهات المطاعم والأماكن الجديدة اللي حواليكوا، وروحوا اقعدوا في الكويس منها.

18- اعملوا موبايلاتكم على مود "Airplane" وقضوا وقت بتتكلموا مع بعض أكتر.

Comments: