بنك الأسئلة.. 23 سؤال تسأليهم للعريس وإنتوا لسة على البر

04/09/2019

التجربة أثبتت إن الدخول في علاقة وارتباط رسمي مش محسوبله كويس، خطوة خسارتها أكتر من مكسبها، مهما كان الوقت اللي قضيته فيها أو مدى تورطك بمشاعرك فيها، من ناحية تانية ممكن تقضي مع حد وقت طويل لكن ما تعرفهوش كويس، لأنك ما اهتمتش إنك تتكلم بعمق عن حياته وحياتك، أو تسأله عن تفاصيل مشاعره ومبادئه وأفكاره، عشان كده جمعنالك أسئلة تستخدمهم عشان تعرف أكتر شريكك المستقبلي قبل ما تدخل في الغويط.

1- عايز أولاد قد إيه؟ فكرة الأولاد في حد ذاتها موضوع مهم تشوف رد الفعل عليه، بجانب إن اللي أفكاره في واحد أو اتنين، غير اللي عايز ستة أو سابعة، غير اللي مش عايز خالص!

2- التريندات الجديدة والموضات بتتحكم في حياتك؟

3- متعصب لحاجة معينة؟

4- شايف الستات والرجالة متساويين؟

5- شايف الست مكانها الصح فين؟

6- إيه الأهم؟ الأسرة ولا الفلوس؟

7- علاقتك بأهلك عاملة إزاي؟

8- لو هتنقل لمكان تعيش فيه، هيكون فين؟

9- تفرق معاك إنك تبقى راكب عربية غالية؟ ده هيفرق معاك أنك تعرف شريكك بتاع مظاهر ولا مركز في المفيد!

10- لو أنا بحب حاجة وعايز اعملها، هتقف معايا مهما كان؟

11- لو أهلك ما حبونيش، هتعمل إيه؟

12- بتحس بالوحدة كتير؟ ده هيعرفك إذا كان هو محتاج علاقة قريبة ولا هو مستقل ومكتفي بنفسه.

13- لو طلبت منك حاجة إنت مش حابب تعملها، هتعمل إيه؟

14- مين الأهم في حياتك؟ إنت ولا الشخص اللي بتحبه؟

15- فارق معاك ارتبطت بمين قبل كده أو كام مرة؟

16- بتحب الأطفال؟

17- إيه التصرف اللي بالنسبة لك مفيهوش سماح؟

18- لما بيبقى معاك فلوس زيادة بتعمل بيها إيه؟

19- بتحب السياسة؟

20- عندك تجارب عاطفية فاشلة أثرت فيك قبل كده؟

21- شايف الراجل ممكن يعيط؟ إمتى؟

22- إيه الحاجة اللي بتحب الناس تفتكرك بيها؟

23- إيه اللي بيخلي أقرب أصدقائك قريبين منك؟

Comments: