جنيفر أنيستون بعد الـ ٥٠: مش حاسة بفرق.. أنا جسديا كويسة

05/09/2019

في خلال الـ 10 مواسم بتوع فريندز أغلب الممثلين ملامحهم اتغيرت وشكلهم كبر مقارنة بالموسم الأول، بس جينفر أنيستون كانت محتفظة بملامحها الهادية والرقيقة وشكلها الصغير لحد الموسم العاشر، ولإن الزمن بيعدي بسرعة، فالغريب هو إن جينفر أنيستون بقى عندها 50 سنة.

 وعشان كده عملت حوار مع مجلة "Got real " بتتكلم فيه عن الصعوبات اللي واجهتها في هوليود بعد سن الـ 50، ودي كانت التصريحات اللي قالتها للمجلة:

1- "دي كانت أول مرة أفكر في الخمسين، هو مجرد رقم"

2- "أنا مش عارفة إيه ده، عشان أنا مش حاسه بأي حاجة مختلفة" " وحاسه إني جسديا كويسة بطريقة ماتتصدقش" 

3- لكن جينفر أنستون برضه قالت إنها حاسة إنها اتعاملت بطريقة مختلفة في هوليود خصوصا لما الناس بتقول إنها كويسة بالنسبة لسنها.

4- وقالت كمان إن غريب جدا إن يبقى بيجيلها تلغراف فاجأة يتقال لها فيه "شكلك حلو أوي بالنسبة لسنك"

5- وقالت كمان إننا محتاجين يبقى عندنا شوية قواعد عن الحوار اللي بالشكل ده والنبذ 

6- صرحت كمان إنها فخورة بنفسها وبالقوة اللي بتجيلها مع عمرها وقالت "الستات مابتمش السماح ليهم إن يبقى عندهم سلطة أو قوة، والقوة دي مثيرة بالنسبة لي هي وذكاء الستات وقدرتها على الإبداع"

7- اعترفت وقالت إن فيه حاجة هتفضل تعملها لحد يوم ما تموت وهو إنه تصبغ شعرها، وقالت مش هكدب مش عايزة شعر رمادي.

Comments: