١٦سبب يخليك تربي كلب بعد البريك أب

08/09/2019

الانفضال يعني شعور بالوحدة ومود مش مظبوط وأسلوب في التعامل كتير مش بيكون متسيطر عليه، وقت البريك أب دايمًا بتحس بالوحدة حتى لو حواليك ناس كتير، لأن الشخص الأقرب ليك مابقاش موجود، مهما كنت مقتنع بخطوة الانفصال هيفضل أثرها صعب ولازم تخوضه.

في الوقت ده إنت محتاج حل تاني يخليك مش وحيد، بس ما يستنزفش منك طاقة، ما يحاولش يقولك إنه بديل للحد اللي ما بقاش موجود، لكن يونسك وياخد انتباهك، في الوقت ده إنت محتاج تربي حيوان، محتاج تربي كلب!

جمعناك فوايد وجود كلب في الفترة دي من حياتك زي ما قدمها موقع "Thought catalog".

1- مش هيحكم عليه في تصرف تتصرفه، أكل تاكله، فكرة تفكر فيها.

2- بيقدملك احتضان واحتواء باستمرار.

3- هيجبرك تنزل ع الأقل مرة واحدة في اليوم.

4- أمان..هيدافع عنك ضد أي حد يحاول يتطفل عليك أو يسرقك.

5- رفيق مثالي يقعد جنبك على الكنبة أو السرير وإنت بتتفرج على "نتفلكس".

6- مش هيرد عليك مهما قولت.. مش هيفتعل خناقات!

7- هيقدملك حب من غير شروط.. الكلاب ممكن الاعتماد على مشاعرهم.

8- مش هيخونك ومش ممكن يكسر قلبك، يمكن الكلب يحاول يقرب من أي حد يجيلك أو يلعب معاه، لكن في الأخر ولاءه هيكون ليك.

9- اللعب مع، رقته ونعومة الفرو دايمًا هتحسن مودك.

10- مش هتحس بالوحدة أبدًا، الكلب محتاجك تقضي معاه يومك كله.

11- هيبقى معاك كائن أو شخص غيرك مضطر تفكر فيه وتهتم بيه، ده هيخليك تطلع من حالة إن حياتك وقفت بعد الانفصال وتبدأ تجمع شتاتك.

12- مش هتحتاج تجيبله هدايا غالية في أعياد الميلاد والمناسبات، هو الأكل والدكتور والمعاملة الطيبة!

13- هيخلي عندك هدف وهو رعايته.

14- مش هيعترض على أي حاجة تعوز تتفرج عليها حتى لو بتشوفها للمرة العشرين.

15- ممكن تقول أي حاجة عايز تقولها، تفضفض، تشتم، تقول كلام ملغبط، مش هيرد مش هيحكم عليك ومش هيسيبك ويمشي.

16- لما تتعافى وتحب/ تحبي ترجعي تاني تعجب بحد أو تعوز تتعرف، هيبقى مساعد مثالي ليك.. مين ما بيبصش للكلاب ويفتح كلام عليه؟!

Comments: