معاناة الأشخاص الصريحة "زيادة عن اللزوم"

11/09/2019

إنك تبقى شخص مباشر وصريح دي حاجة أكيد مش وحشة، بس في بعض الأحيان الصراحة لها جوانب سلبية، أو بمعنى أدق معاناة إنك تبقى دايمًا بتقول اللي الناس مش متوقعين إنه يتقال ببساطة، خصوصًا لو كنت مش مهتم أو مش مقتنع إن اللباقة شيء ضروري طالما اللي بتقوله حقيقي، عشان كده جمعنا حاجات بيمر بيها وبيعيشها النوع ده من الأشخاص باستمرار.

1- لو مش عاجبه أكل، لبس، مكان بيقول، وبيشوف إن مفيش سبب يخليه ما يقولش ده.

2- مش بيشوف إن عنده حاجة ما ينفعش تتقال لأن كل الحاجات كل الناس بتمر بيها عادي!

3- بيعيش كتير لحظات صمت من اللي حواليه أما بيقول حاجة هو شايفها واضحة لكن هما شايفين إنها ما تتقالش.

4- بيشوف إنه لما يقولك الحقيقة حتى لو عيب فيك هو كده بيخاف عليك وبيحبك أكتر من اللي بيخبي عليك.

5- بيعمل عداوات مش قليلة من الناس اللي مش بتفهم طريقته، أو بيضايقوا من إنه بيسمعهم حاجات مش حابينها عن نفسهم.

6- صداقاته اللي بتعيش بتبقى حقيقية جدًا لأن اللي بيفهمه بيعرف إنه أمين معاهم في كل حاجة.

7- ممكن يفضّل إن اللي قدامه يقوله الحقيقة حتى لو وحشة وهتزعلهم من بعض عن إنه يشيل منه.

8- دايمًا بيقلق على زعل اللي حواليه لأنه مش قاصد يعمل فقرة، هو كان بيتكلم "عادي".

9- الناس بتفتكره مغرور أو متكبر.

10- بيخسر كتير بإنه قال اللي جواه بسرعة وفي أوقات مش أحسن حاجة.

Comments: