اضطرابات الأكل النفسية (8): بيكا.. اضطراب تناول الشعر والطين والتراب

15/09/2019

بيكا هو أغرب الاضطرابات النفسية المرتبطة بالأكل، ملوش علاقة لا بالشراهة والأكل الكتير بشكل مرضي، ولا بالهوس بالدايت وتقليل الوزن، ولا الأكل الصحي ولا أي حاجة، المريض بالاضطراب ده بياكل حاجات مش أكل من الأساس، ولا فيها أي عناصر غذائية، زي التلج والورق والقماش والشعر والطين والتراب وقطع الدهان من على الحيطان.

"بيكا" ممكن يصيب أي شخص في أي عمر (ما عدا تحت السنتين)، من أي جنس، لكن حتى الآن، مفيش حاجة معملية أو دليل يُمكن اختباره لتشخيص اضطراب "بيكا"، لكن بعض التحاليل ممكن تدلل على الإصابة، زي تحليل الأنيميا، أو انسداد الأمعاء أو التأثير السمي للمواد اللي بياكها المريض زي الدهانات أو المعادن.

الأعراض:

1- التناول المستمر (على الأقل لمدة شهر) لعناصر لا تنتمي لأي فئة من فئات الطعام، ولا فيها أي مواد غذائية، زي الورق والقماش والتلج والزجاج والشعر والتراب والطين والمعادن وقشور الدهانات

2- أكل الأشياء دي غير مرتبط بثقافة معينة أو عادات اجتماعية مقبولة في بلد المريض

3- الحاجات اللي بياكلها المريض بتشمل، الملابس والورق والتلج والتراب والطين والصوف والخيوط والمعادن والحصى والفحم

4- الأطفال تحت السنتين مش بيتشخصوا بـ"بيكا"، لأن جزء من نموهم والتعرف على الأشياء من حواليهم، مرتبط بتذوق أي عناصر يقابلوها قدامهم

5- الحوامل اللي بيحسوا إنهم عايزين ياكلوا "مواد" أو حاجات ملهاش علاقة بالأكل، ممكن يتشخصوا بـ"بيكا" إذا شعورهم أدى لابتلاع فعلي للأشياء دي

اضطرابات الأكل (1): أمراض نفسية حقيقية مش مجرد أعراض وحالات عابرة

اضطرابات الأكل (2): اعرف العوامل البيولوجية والنفسية اللي بتزود احتمالات إصابتك

اضطرابات الأكل النفسية (3): فقدان الشهية العصبي.. اعرف معايير التشخيص والأعراض

اضطرابات الأكل النفسية (4): الشره العصبي.. شراهة في الأكل وإجراءات مؤذية للتعويض

اضطرابات الأكل النفسية (5): مرض الشراهة.. الإحساس بالذنب بعد تناول كميات كبيرة

اضطرابات الأكل النفسية (6): أورثوركسيا.. الهوس المرضي بالأكل الصحي

اضطرابات الأكل النفسية (7): تناول الطعام الاجتنابي.. مرض "الإنفين" اللي مابيكلوش أي حاجة

Comments: