٥٠ سبب يخلوك تلغي قرار الخلفة والعيال من دماغك

17/09/2019

غريزة الأمومة بتفضل تزن على كل البنات عشان تخلف وتبقى أم، ويمكن الغريزة دي هي اللي بتخلي بنات يتجوزوا أصلا عشان مش قادرين يتخيلوا حياتهم من غير طفل، ورجالة كتير برضه بتبقى عايزة تخلف لأسباب الاستقرار وتكوين العيلة والعزوة، وفي بعض المناطق الريفية ممكن تكون الخلفة -وتحديدا خلفة الولاد- الهدف الأول والأساسي للراجل، مشكلة قرار الخلفة إنه بيبقى جميل جدا في أوله حماس وانتظار ومشاعر فرحة وهكذا، بعد كده الست بتبدأ رحلة طويلة من العذاب بداية من شهور الحمل إلى النهائية وما بعدها.

وبعد كده بتندم ندم عمرها على الخلفة دي، عشان كده من الأول لو لسه ماخلفتيش تعالى نقولك أسباب منطقية جدا ذكرها موقع "هاف بوست"، تخليك أو تخليكي مش المفروض تخلفوا:

1- إنت مابتحبش الأطفال 

2- بتحب تنام 

3- بتحب يبقى معاك فلوس 

4- أكيد بتحب تاكل وإنت قاعد وتستخدم شوكة وسكينة أوقات عادي زي الناس 

5- بتحب تتفرج على أفلام من أولها لأخرها وإنت قاعد مش كل شوية تقوم أو نص الفيلم يفوتك 

6- بتحب يبقى عندك مساحة شخصية 

7- بتحب تتفرج على نتفلكس ساعات أو تتسحل في فيديوهات اليوتيوب

8- أكيد مابتحبش حد يرجع على هدومك 

9- مابتحبش برضه ريحة البيبي 

10- ومابتحبش كل شوية تمسح مناخير وبق حد 

11- كنت دايما معتقد إن أغاني طيور الجنة وميكي أغاني غبية ومستفزة 

12- كنت بتحب تخرج إنت وشريكك سوا وتتفسحوا 

13- كنت عايز كل حاجة حلوة  بينك إنت وشريكك تفضل زي ما هي ماتتغيرش

14- بتحب تقفل على نفسك باب الحمام

15- أكيد بتقدر قيمة دش كل يوم 

16- مش هتحب كل إجاباتك على الأسئلة تبقى "لا"

17- بتحب تلبس ويبقى شكلك مهندم قبل ما تنزل مش تلبس اللي قدامك وخلاص 

18- بتحب تخرج مع صحابك خروجات عشوائية مش مترتبلها 

19- بتحب البيت يبقى رايق وهادي ومش متوسخ 

20- بتحب تشرب القهوة أو الشاي بمزاج الصبح 

21- أكيد مابتحبش موبايلك يبقى مكسور ومتلحوس

22- بتحب تتكلم في التليفون وتقول جمل كاملة من غير ما حد يقطعك كل شوية 

23- أكيد بتضايق من صوت الشخشيخة واللعب اللي بتطلع أصوات 

24- مش مفضل خالص بالنسبالك إن المكعبات تدخل في رجلك أو المشابك مثلا 

25- بتحب لما تبقى تعبان تستريح وتريح جسمك مش لازم تقوم تشيل المسؤولية اللي عندك 

26- بتحب جزمك جدا وخصوصا الموضوع ده عند الستات لإنك مش هتبقي عايزة كعب جزمتك يتكسر 

27- بتحب شغلك ونفسك تترقى فيه ويبقى لك وضعك وقيمتك

28- بتحب دايرة صحابك اللي مفيهاش أطفال صغيرة ومش هتبقى مبسوط لما تقعد في الـ"كيدز أيريا" طول الخروجة

29- بتحب تروح اتلجيم أو تلعب رياضة لما تبقى عايز 

30- بتحب تسافر خفيف خفيف 

31- مش هتحب تحكي نفس الحدوتة كل يوم أو تقرأ نفس الكتب بتاعت الحواديت 

32- صحتك النفسية والعاطفية والجسدية مهمة ليك 

33- مش هتحبي تغسيلي أكتر من مرة في اليوم 

34- مبسوطة وراضية بوزنك وشكل جسمك دلوقتي 

35- بتخاف من العواطف الشديدة 

36- عشان اليوم اللي اتخرجت فيه حلفت إن رجلك مش هتخطي المدرسة تاني 

37- وقت ما بتحب تنام حتى لو في نص اليوم هتنام وتمدد 

38- ممكن تحب توصف أي حاجة بس مش هتحب توصف الشجر والعصافير والنحل وإيه وظايفهم في الحياة 

39- الإجازات بالنسبة لك يعنى سفر وخروج ولو مش كده يبقى أنتخة في البيت وراحة ونوم كتير

40- مش هتحب جملتك المعتادة تبقى "ماتحطش ده في بوقك" 

41- مابتحبش تناقش في الأماكن العامة وقدام التجمعات العائلية نوع البيبي وتتكلم عن سوايل الجسم 

42- السيلفي معناه إنك هتاخد صورة لوحدك

43- بتحب لون السجاد والكنب يبقى أبيض وفاتح مش مبقع شوكولاته ومانجة وفراولة 

44- فاكر إن فيه حاجة اسمها هنلعب لعب هادي أو هنلعب واحنا قاعدين 

45- مش هتحب تستخدم كلمة "طفل صغير" عشان تعالج كل حاجة غلط حصلت

46- بتحب ترقص وتولع الدنيا في الأفراح ومش هتعوز تقعد على التربيزاة طول الفرح ولا كأنك منبوذ

47- كنت فاكر طول عمرك إن المناقشة بتتم بين الأشخاص الكبيرة العاقلة البالغة الرشيدة، وإنت هتتناقش مع أطفال للأسف

48- كنت فاكر إن الرشوة شيء غلط وهي اللي مبوظة المجتمع بالشكل ده، وإنت بترشي الأطفال عشان يسكتوا

49- كنت فاكر إن مهمة تشكيل إنسان الناس المتخصصين بس هما اللي يقدروا يعملوها 

50- كنت فاكر برضه إن محدش يقدر يقلدك ومابتحبش حد يقلدك

Comments: