١٠ حاجات لازم تعرفهم لو بتحب حد برج الميزان

26/09/2019

مفيش حاجة أفضل من حل سهل يقولك الفولة بتاعة الشخص اللي معجب بيه، وبالنسبة لهواة الأبراج الحل ده فعال وحقيقي وبيقولهم اللي هما عايزينه، وبمناسبة موسم برج الميزان جمعنالك أهم الصفات اللي لازم تبقى عارفها في الشخص ده عشان تعرف إنت داخل على إيه.

1- الميزان شخص اجتماعي ومحبوب والناس دايمًا بتحب تبقى حواليه، لو إنت إنسان بيتوتي أو غيور يبقى ده مش مناسب ليك خالص، لكن لو عايز شريك في جريمة أو شخص تحكم معاه العالم فهو مثالي!

2- ما تجاملهوش كتير وبشكل مبالغ فيه، لأنه بيشم ريحة الكدب على بُعد أميال.

3- قاسيين على نفسهم جدًا أكتر ما ممكن يعملوا مع أي صديق ليهم.

4- لو عندك خلاف مع حد ومحتاج وسيط، الميزان مثاليين للمهمة دي، لأنهم بيقدروا يحلوا المشاكل ويتفهموا الطرفين، ويطلعوا كل الناس مبسوطة.

5- الميزان بيحبوا الحب، وبيفضلوا شبابهم كله بيدوروا على الشريك المناسب ليهم، ولما بيلاقوه بياخد أولوية عن أي حاجة تانية في حياتهم.

6- مفيش مشاكل كتير ممكن الميزان ما يقدرش يتغلب عليها، هما محبوبين ودايمًا هتلاقي حاجات عشوائية بتتعمل عشانهم، كأنها حاجة طبيعية في الحياة.

7- الميزان أخلاقيين بشكل واضح، وبيعانوا لما بيضطروا يكدبوا أو يغشوا.

8- الخروجة المثالية ليهم إن يبقى أشخاص كتير حواليه بيحبهم وبيحس إنه له تأثير عليهم، فتجميع الناس القريبين منه مهما كان النشاط اللي هتعملوه هتكون حاجة عظيمة بالنسبة له!

9- على مر التاريخ ما حصلش إن الميزان انجذب لشخص إلا لو كان مُتحدث رائع وحواره ممتع.

10- الميزان أذكيا وبيقدروا أدق الحاجات في الحياة، وبيحبوا يخلوا الشخص اللي قدامهم متحمس للحاجة اللي هو متحمس لها.

Comments: