بعد تأشيرة السياحة للسعودية.. بدء استقبال الوفود و"العباية" مش إجباري

30/09/2019

بدأت بالفعل السعودية تستقبل السياح بعد إعلانها عن فتح الباب للتأشيرات السياحية، لأول مرة، بعد ما كان الدخول لها مقتصر على رحلات الحج والعمرة والشغل، ودشنت مشروعات سياحية كبيرة لتنشيط الحركة وتشجيع الزوار إنهم يجوا، ومنتظر إن عددهم يوصل 100 مليون بحلول سنة 2030.

شروط التأشيرة حسب الموقع الرسمي لإمارة منطقة مكة:

1- قيمتها 440 ريال (حوالي 117 دولارا)

2- إصدارها بياخد ما بين 5 و30 دقيقة وتمنح عن طريق الموقع الإلكتروني "https://visa.visitsaudi.com/" واللي متاح فيه التسجيل لـ 49 دولة تشمل أمريكا وكندا ومجموعة دول أوروبية وأسيوية، بالإضافة إلى أستراليا ونيوزلاندا، أو استخراجها وقت الوصول في المطار.

3- صالحة لمدة سنة واحدة من تاريخ الإصدار.

4- مسموحة بيها لأي حد فوق  الـ18 سنة، وأقل من كده بيشترط وجود ولي أمر.

5- الديانة غير مشروطة.

6- بتسمح بفترة إقامة لمدة 90 يوم في السنة الواحدة.

في نفس السياق صرح رئيس مجلس إدارة "الهيئة العامة للسياحة والتراث الوطني" إن لبس العباية للسيدات مش هيكون إجباري، لكن هيشترط إن اللبس يكون محتشم، وممنوع دخول غير المسلمين لمكة والمدينة.




 

Comments: