٢٠ حاجة معناها إن طاقتك خلصت مش إنك اتغيرت

07/10/2019

لو إنت فتحت الموضوع ده دلوقتي يبقى بالفعل إنت عارف إن مابقاش عندك طاقة زي الأول ومفيش لزوم لمقدمات كتير، إحنا جمعنالك حاجات زي ما قدمها موقع "Thought Catalog" ممكن الناس تتهمك بسببها إنك اتغيرت أو مش مهتم، والحقيقة إنك بس بقيت مهتم بنفسك بقدر مناسب، ومابقاش عندك مجهود كبير تقدمه زي الأول.

1- ما تقبلش الاعتذارات لو كانتش بالأفعال مش بس بالكلام.

2- تدي أولوية لاهتمامك بنفسك، تهتم بطموحك وبمستقبلك وإنك تعمل شغل شخصي ليك أكتر من اهتمامك إنك تشتغل عشان غيرك يعمل فلوس!

3- تبطل تبقى الشخص اللي بيحايل كل الناس وبيصالح بينهم وبيهتم يبقى عنده مكان آمن ليهم، كل اللي بقى همك إنك يبقى عند منطقتك الخاصة اللي ترجعلها لما كل الناس تتصرف بحماقة حواليك.

4- مابقيتش تقدر تتفاعل مع الناس اللي بتشتكي طول الوقت من حياتها ولو حتى مجاملة، قدرتك على احتمال الطاقة السلبية بقة قليلة.

5- تتجاهل الناس اللي مش قادر تتعامل معاها، يمكن الناضج هو إنك تقول لأي حد بتقطع معاه ليه إنت بتعمل كده، لكن فيه ناس الحوار معاهم صعب، وإنت ما بقيتش تتحمل ده.

6- ما بقيتش تهتم تبرر لحد حاجة، ليه ارتبطت بشخص معين؟ ليه سبت الشغل ده؟ ليه اخترت ده؟

7- ما بقيتش تقدر ترد على الماسدجات كلها فورًا، رغم إنها تبان قلة ذوق، لكن أحيانًا بتبقى عندك حياتك الخاصة واللي مش عايز فيها تفضل باصص في الموبايل طول الوقت!

8- تروح البيت لما تبقى عايز تعمل كده! ما تخرجش مع حد مجاملة، ما تحاولش تبرر سبب ده لحد.

9- ما بتحاولش تبقى زي توقعات حد، إنت مش مدين لحد بحاجة عشان تعمل ده!

10- ما بقيتش مهتم تدخل مع حد في مناقشات أو خناقات على السوشيال ميديا.

11- ما بتضيعش وقت مع الناس اللي مش بتحبهم أو مش بترتاحلهم.

12- مش مهتم الناس شايفة حياتك صح أو غلط، روشة ولا معقدة، حلوة ولا وحشة!

13- مش هتتكسف تعمل شير لأي حاجة أون لاين طالما بتحبها ومهتم بيها، مهما كان الحكم اللي الناس هتقوله عليك.

14- هتقول "لا" لما الإجابة تبقى فعلًا "لا" من غير تجميل أو تبرير.

15- هتقول "ما اعرفش" لما تبقى ما تعرفش مش هتحاول تعمل مجهود عشان تستعرض حاجة.

16- هتبقى مبسوط بشكلك وجسمك سواء كان صحي أو لا، جميل بالمقاييس العامة أو لا.

17- مش هتبقى مهتم إنك تقول للناس إنت فعلًا حاسس بإيه أو تطالبهم إنهم يحسوا بيك.

18- مش هتنتظر إن كل الناس تبقى بتحبك.

19- مش هتخلي حد أساسي في حياتك وإنت في حياته مجرد حاجة جانبية.

20- مش حتهتم تغير عاداتك اللي مش أصح حاجة، زي الكسل وعدم الرغبة في الخروج والحركة طول الوقت.

Comments: