٥ أسباب بتؤكد إن "اللعب في الطين" مفيد.. بيبني جهاز المناعة

08/10/2019

الطفولة المشردة اللي أي حد مننا عدى عليها لسه لحد دلوقتي بنفتكرها وبنفتكر أيامها، وإنه كان متاح في الأيام دي بس إنك تلعب بالطينة، غير إنك كنت كريتيف ومبدع كمان باللعب به، بس لما كنت بترجع وآثار الطينة على وشك وإيدك وهدومك ورجلك للأسف ماكنش بيحصل خير خالص وقتها من أهلك عشان طبعا نضافة البيت.

بس الحقيقة اللي أغلب الأهالي عارفينها ومابيرضوش يعملوها هي إنهم يسمحوا لولادهم يلعبوا في الطينة والرمل، بس اللعب في الطينة والرمل وإنهم يتوسخوا ده كويس عشان للأسباب دي:

1- أطفال كتير بعيد عن العالم الخارجي والطبيعة الفترة دي:

أغلب الأطفال بيلعبوا في أماكن مغلقة زي البيوت لإن الأهل بيفضلوا ولادهم ماخرجوش بره، وده بناء على كلام المؤلف ريتشارد لوف اللي عمل مقابلات مع حوالي 3 آلاف أسرة واتكلم مع الأطفال ولقى فعلا إن الأكتر مابيسمحوش لولادهم يلعبوا في الشارع، وبيفضلوا البيوت ويلعبوا بالتكنولوجيا وده اللي بيخلي الأطفال منفصلين حاليا عن الطبيعة.

2- حبة وساخة قليلة مش مؤذية:

دكاترة الأطفال لوف وماريا جوليا كارفاليو أصروا على إن الاطفال لازم يتصلوا بالكائنات الحية اللي موجودة في التربة عشان يطورا من جهاز المناعة عندهم، ممكن يبقى النضافة بعد الطينة والتراب هو اللي صعب بس برضه لازم يبقى فيه حتة في النص بين إنك تحافظي على النضافة وإنك تسيبي ولادك يلعبوا براحتهم، لإن عن طريق المناعة اللي الأطفال هيخدوها من التراب والطينة والكائنات الحية دي جسمهم هيقدر يقاوم الأمراض والحساسية بعد كده لما يكبروا، بس ريتشارد لوف قال إن الأنشطة اللي بتتعمل برا البيت بتقلل من التوتر والاكتئاب وبتشجع على الإبداع.

3- نفس الكلام مع الحيوانات الأليفة:

فيه دراسة اتنشرت في مجلة الحساسية والمناعة السريرية إن الأطفال اللي بيعيشوا مع حيوانات أليفة ويتربوا معاهم من صغرهم بيبقوا أقل عرضة لتطوير الحساسية.

4- دي الطريقة اللي بيشتغل بيها جهاز المناعة:

على حسب ما قال التعريف الطبي اللي أصدرته KidsHealth فالجهاز المناعي هو اللي بيحمي الأشخاص في النهاية من الجراثيم والبكتريا اللي بتهدد صحتهم، وده بيحصل عن طريق إن الشخص يجيله المرض أو العدوى وبعد كده الجسم يحاربها، فالجسم يجيله مناعة ضدها، وعشان النظام المناعي يبقى كويس محتاج يتكيف الأول مع الكائنات الحية الدقيقة اللي من برا في وقت نمو الطفل عشان الجسم يبقى بيقاوم الجراثيم دي بعد كده، والجسم وجهاز المناعة بيقاوموا فعلا بعد كده لإنهم اتعرفوا على الجراثيم دي قبل كده وعرفوا إزاي يقاوموها 

5- فيه عواقب إنك تخلي الأطفال بعيد عن الأماكن المقفولة:

من غير ما الشخص يتعرض للكائنات الحية الدقيقة دي فهو عرضة إنه جهازه المناعي يتأثر بأي حاجة زي حبوب اللقاح وشعر الحيوانات الأليفة وتسب له حساسية، ريتشارد لوف  بيقول إن غير ده إجراء صحي لازم الأطفال يعملوا عشان كمان بيوقيهم من أمراض السمنة وإن السبب ورا السمنة هو القعدة في البيوت للأطفال، وعشان كده قلة وقت اللعب في الشارع بتشكل خطر على صحتهم البدنية والنفسية.

Comments: