في عيد ميلاده.. التنمية البشرية "الحقيقية" في أغاني "منير"

10/10/2019

كتبت: نوران عاطف

منير من الحالات الخاصة جدًا في حياة الناس، صعب اعتباره مجرد فنان، أو مغني للتسلية، لكن هو طفولة وشباب وتاريخ ناس كتير، وتوثيق لحالات وأحداث مرت بيها البلد، سواء اللي عاشها بالفعل، أو اللي سجلها من خلال فيلم أو مسلسل، وعن نفس الفكرة، كان بيقول الكاتب عمر طاهر ما معناه إنك تقدر تربط ذكرياتك بالترتيب بألبومات عمرو دياب وتاريخ صدورها، في حين منير ممكن أغنية قديمة له تكتشفها وتفضل مصاحبة ليك طول حياتك.

ليه حالة منير مختلفة؟ يمكن بسبب صوته وملامحه المصرية جدًا، أو التجديد اللي قدمه في شكل الأغنية، لكن الأهم هو تنوع أغانيه وعدم اقتصارها بس على الأغنية العاطفية، منير بيقدم حالات إنسانية أي حد بيمر بيها، حالات ثورية، قصص تراثية، بجانب بردو أغنية عاطفية عميقة ومميزة.

وبالتركيز على الأغاني الإنسانية والحياتية، هتلاقي أغاني كتير ممكن كلامها يتقال عليه "تنمية بشرية" وهي مش شتيمة، لكن أصبحت صفة سيئة السمعة في العصر الحديث من شدة استهلاكها، وعدم شعور أي حد إن أغانيه بتقدم أوامر مبتذلة للناس عشان ينبسطوا أو يغيروا حياتهم أو يستحملوا مشاكلهم، هو أكبر دليل على قدرتها بالفعل على التعبير عن مشاعر الناس وتنميتها بدون افتعال أو استغلال.

في عيد ميلاد محمد منير اللي مواليد 10 أكتوبر 1951 جمعنا أهم أغانيه اللي ممكن اعتبارها "تنمية بشرية" لكن بجد مش تلفيق.

1- الدنيا ريشة في هوا

2- يا أنا

3- الفرحة

4- بحر الحياة

5- يا عشاق الحياة

6- امبارح كان عمري عشرين

7- لو بطلنا نحلم

8- ممكن

9- يا مراكبي

10- افتحوا يا حمام

11- لا يا ليالي

12- علي صوتك

13- يا لالالي

14- افتح قلبك

15- سر الحياة

16- قبل ما تحلم فوق

17- اخرج من الببان

18- في دايرة الرحلة

19- ربك لما يريد

20- دور على الناس

21- هون يا ليل

22- اشكي لمين

23- الكون كله بيدور

24- ليه يا دنيا

Comments: