٦ فوايد للفرجة على الأفلام الرعب

10/10/2019

من المعروف إن معظم الأشياء في حياتنا سلاح ذو حدين، ممكن تلاقي لكل حاجة مفيدة ضرر، ولكل حاجة مضرة فايدة، وفيه حاجات لا شيء.. يعني ممكن تفكر فيها إنه ذوقك أو لا، لها مود معين لكن مش كل وقت، لكن مش هتفكر إنها نافعة أو مؤذية، من الحاجات دي هي أنواع الأفلام المختلفة ومنها الرعب.

لقينا لأفلام الرعب 6 فوايد علمية قدمها موقع "Scoop Whoop" جمعناهم هنا.

1- مشاهدة 90 دقيقة من فيلم رعب بتخليك تفقد حوالي 113 كالوري.

2- بتخليك تتغلب على قلقك، المخاطر اللي بتشوفها في أي فيلم رعب بتخليك تحس بالأمان ناحية العالم بتاعك الحقيقي.

3- بتزود نشاط العقل، لأنها بتزود إفراز "neurotransmitters" أو الناقلات العصبية، واللي بتخلي مخك متنبه لوقت بعدها، بجانب إنها بتخليك تقدر تتعامل مواقف مختلفة في حياتك اليومية.

4- بتزود كفاءة جهازك المناعي، من خلال ضخ الدم والأدرينالين.

5- كويس عشان علاقتك العاطفية، لأن وإنت بتتفرج جسمك بيضخ الهرمونات اللي بتخليك تحس بمشاعر كويسة، زي الدوبامين والسيروتونين وهي نفس الهرمونات اللي بتتفرز لما بتبقى معجب بحد.

6- بتقلل إحساسك بالضغط، لو حاسس إنك مضغوط من الشغل مثلًا أو من مشكلة في حياتك، فممكن الفرجة على فيلم رعب تطلع الطاقة الزيادة دي، لكن ده بيكون فعال لو إنت من هواة النوع ده من الأفلام.

Comments: