٥ أسباب عشان تقهر خوفك وتنام في الضلمة

13/10/2019

كل واحد عنده تقاليده في النوم، وفئة كبيرة شائع بينهم الخوف من النوم في الضلمة، سواءعشان اتعود على كده من طفولته، أو عشان هواجس معينة عنده وخيالات..إلخ، لما تكبر بيكون عندك القدرة إنك تتغلب على عقدك أو مخاوفك، أو تغير عادة سيئة، عشان كده جمعنالك أهم فوايد النوم في الضلمة لجسمك ونفسيتك، عشان تتغلب على خوفك وتقفل النور وتنام!

1- لما بتضلم الدنيا خالص بتساعد جسمك يسترخي تمامًا ويفرز هرمون الميلاتونين المسؤول عن النوم بسهولة أكتر، عشان كده ممكن تبدأ بإنك تقفل النور وتسيب نور بسيط جنب سريرك وبعدين تقفله عشان تبدأ تروح في النوم.

2- بيقلل نسبة إصابتك بالاكتئاب، لأن الضوء بيربك الجسم وبيخليه مش عارف وقت النوم المناسب إمتى، وده بيقلل من اتزانك، وبيزود نسب الخلل في العقل، واللي بيترتب عليه الإصابة بالاكتئاب.

3- بيقلل من لياقتك البدنية، وبيزود نسب الإصابة بالسمنة، لأن نفس مشكلة عدم اتزان الساعة البيولوجية للجسم، وعدم قدرته على إنه يعرف وقت النوم المناسب إمتى، بيترتب عليه خلل في عملية التمثيل الغذائي اللي بتحصل بالليل.

4- النوم في الضلمة بيساعد على راحة العينين، وده بيثبته إن نسبة كبير من الأطفال اللي بيشتكوا من قصر النظر بيكونوا بيناموا في الضوء.

5- طبقًا لدراسة اتعملت في كلية الطب في جامعة "نورث ويسترن" في "فاينبرج"، شيكاغو، النوم في الضلمة بيساعد مرضى السكر، ووجود الضوء بيضرهم وبيزود من مقاومة الأنسولين.

Comments: