إزاي تحول صورتك لـ"ستيكر" على "الواتساب؟

30/10/2019

التكنولوجيا كل يوم بتاخدنا لمستوى مختلف عن اللي قبله، وزي ما السوشيال ميديا في الوقت الأخير صنعت لغة مختلفة تمامًا في التعبير، سواء في الألفاظ أو الصور، ومرورًا بثقافة الميم، دلوقتي صورتك كمان ممكن تبقى جزء من اللغة دي، مش بس بالكاميرا والتصوير والستوريز، لكن كمان ممكن تحولها لـ "ستيكر" بنفس ثيم وشكل "ستيكرز" الأبلكيشن الأصلية.

إزاي؟

1- افتح "بلاي ستور" ونزل أبلكيشن "Sticker maker for WhatsApp".

2- افتحه بعد ما ينزل واختار "Create a new sticker pack".

3- هيطلب منك تفاصيل الاسم والوصف عشان "الواتساب" يستقبله لكن ده مش معناه إنه هيكون متاح لأي حد غيرك.

4- اختار بعد كده "new list" هتلاقي فيها مكان "ستيكر" فاضي دوس عليه.

5- هيسألك إذا كنت عايز تصور ولا هتجيب صورة من على الموبايل، اختار اللي عايزه.

6- بعد ما تختار هيفتحلك الصورة على برنامج تنسيق صور.

7- قص الصورة وخليها بالشكل اللي إنت عايزه.

8- احفظ الصورة، وكرر الخطوات لحد ما تعمل كل الصور اللي عايز تحولها "ستيكرز".

9- بعد ما تخلص اختار "Publish Sticker Pack".

10- هيسألك لو عايز تضيفها على "الواتساب" عندك، وافق، وافتح "الواتساب" شوفهم.


 

Comments: