أكتر ١٠ مدن "نشطة جنسيا" في العالم: بلاد الألعاب والمواعيد الغرامية

31/10/2019

شركة "Big 7 Travel" العالمية عملت استطلاع، استخدمت فيه قواعد البيانات المختلفة، سواء لمحركات البحث، أو إحصائيات لمشتريات الناس، عشان يوصلوا لتصنيف أكتر 10 دول نشطة جنسيًا، بناء على موضوعاتهم اللي بيفكروا فيها وبيدوروا عليها أون لاين، والأدوات والألعاب الجنسية اللي بيشتروها، وكان التصنيف من الآخر للأول زي ما نشره موقع "Insider":

10- لوس أنجلوس- كاليفورنيا- الولايات المتحدة

بتوصفها "Big 7 Travel" بإن مشاهد المواعيد الغرامية، الإحساس بالرضا الجنسي، والشكل العام للعلاقات فيها يخليها واحدة من أكتر الأماكن من حيث النشاط الجنسي في العالم.

9- ليفربول- المملكة المتحدة

والموضوع هنا مالوش علاقة بالـ "بيتلز" ولا بكرة القدم، لكن هي منطقة حية جدًا بالحب والمواعيد الغرامية وبكل حاجة تخصهم.

8- دبلن- إيرلندا

طبقًا لاستطلاع رأي تاني على "Big 7 Travel" بيقول إن اللكنة الإيرلندية تعتبر من أكتر اللكنات الجذابة والمثيرة في العالم، عشان كده ده ممكن يكون له تأثير كبير في وجودها داخل التصنيف ده.

7- كاب داجد- فرنسا

من أكتر الأماكن المشهورة بشواطيء التعري فمنطقي وجودها في القايمة.

6- زيوريخ- سويسرا

مش بس زيوريخ لكن أكتر من مدينة في سويسرا دايمًا بتدخل في تصنيفات من النوع ده بناء على الإحصائيات.

5- كيب تاون- جنوب أفريقيا

جنوب أفريقيا بتحتل المركز التالت في أكتر دول العالم استخدامًا للألعاب الجنسية طبقًا لـ "Big 7 Travel".

4- كوبنهاجن- الدنمارك

قراء "Big 7 Travel" صنفوا الدنمارك كتاني أكتر جنسية مثيرة على مستوى العالم.

3- دنفر- كولورادو- الولايات المتحدة

ساهم في وجودها في القايمة إحصائية معمولة كمان على موقع  "Four Loko".

2- باريس- فرنسا

الأكل الفرنسي، النبيذ، والمناظر الجميلة بتخلي فرنسا دايمًا متصنفة كواحدة من أكتر الدول الرومانسية على مستوى العالم، وبناء على ده هي بتحتل بدايات القايمة.

1- ميامي- فلوريدا- الولايات المتحدة

الحياة الليلية المميزة، وثقافة الحفلات المتأصلة، والمناظر الجميلة اللي فيها، هي اللي أهلتها لأنها تتصدر القايمة كأكتر مكان رومانسي ونشط جنسيًا على مستوى العالم.

Comments: