"إيجي ميديا تك".. معرض ومؤتمر تعليمي لأحدث تكنولوجيا صناعة الإعلام والترفيه

04/11/2019

بيستعد مركز مصر للمعارض الدولية والمؤتمرات في التجمع الخامس، لاستقبال المعرض والمؤتمر التعليمي EG Media Tech، واللي هيستمر في الفترة من 6 لـ 8 نوفمبر، والمتخصص في تكنولوجيا صناعة الإعلام والترفيه، واللي بيقدم فرصة لصناع الميديا سواء اللي في بداية الطريق أو المحترفين لمناقشة ومشاهدة أحدث تطورات تكنولوجيا الصناعة في العالم.

"الإيفنت" هيكون مقسوم لجزأين، الأول معرض لأحدث المعدات المستخدمة في صناعة الميديا والترفيه مع شرح أهمية واستخدامات المعدات دي، والجزء التاني منصة تعليمية بتتضمن نقاشات وورش عن التحديات اللي بتواجه الصناعة والتكنولوجيا المستخدمة فيها، والتذاكر متاحة من خلال موقع المؤتمر هنا

وهيتضمن معرض الأجهزة والمعدات والتكنولوجيا 6 قطاعات أساسية:

1- البث: 

وبيتيح المعرض، الاضطلاع على أحدث أدوات عملية البث، من أول المحتوى لحد طرق عرضه وتخزينه وأرشفته

2- الصوت والضوء:

هيقدم الجزء ده معروضات لمزودي خدمات ومعدات الصوت والضوء وإنتاج الفيديو وتصوير الـ Life Events

3- المؤثرات السمعية والبصرية:

في الجزء ده من المعرض، هيكون موجود الـ Suppliers المتخصصين في الـ Audio Visual والـ Networking والـ Control، بالإضافة لتجهيزات الاستوديوهات الثابتة

4- الـ Film And Video:

وهنا بيقدم الخبراء أهم التحديثات في الـ Post Production سواء في الهارد وير أو السوفت وير، عشان يقدموا أفضل أداء واستفادة ممكنة في مراحل المونتاج والتلوين والجرافيكس والـ Sound Mixing

5- الإعلانات والـ Digital Media:

القسم ده هو نقطة الالتقاء بين طرق البث التقليدية من ناحية، وبين الـ Digital Media من ناحية تانية، وتحديدا في مجالات زي خدمات الـ VOD أو الـ Video On Demand واللي في طريقها للسطيرة على المشهد أكتر من الإعلام التقليدي

6- ستوديوهات الصوت والإنتاج الموسيقي:

الجزء ده من المعرض، مخصص للمهووسين بجودة الصوت في كل المراحل، من مهندسين الصوت وفناني الـ DJ، واللي هيقدم آخر إنتاجات تكنولوجيا تسجيل ومونتاج الصوت والـ Mixing

Comments: