فيسبوك يمنع إيموجي البتنجان والخوخ ونقط الميه واعتبارهم محتوى جنسي

05/11/2019

قررت إدارة فيسبوك/ إنستجرام منع استخدام إيموجي البتنجان والخوخة ونقط الميه مع بعض أو للتعبير عن معاني جنسية، وأعلنت إن أي شيء من النوع هيتم اعتباره طلب جنسي ومخالفة لسياستها المعروفة فيما يخص الأمور دي، وهيتم إرسال إشعار للإدارة بالمخالفة واللي ممكن نتيجتها تكون وقف الحساب تمامًا.

في نفس السياق هيتم منع الإيموجيز اللي بتتحط على صور أو مناطق عريانة لتغطيتها، ومنع اللينكات اللي بتودي لمحتوى جنسي، وهيتم تطبيق السياسة دي على منشورات الناس على صفحاتهم أو في محادثاتهم الشخصية، ودي تعتبر إصافة جديدة لسياستهم اللي بتمنع أي محتوى فيه:

1- عري

2- إيحاءات جنسية

3- خطاب كراهية

4- تهديدات لفرد أو جماعة

5- تشجيع على إيذاء النفس

6- تشجيع على العنف

7- حسابات مزيفة

8- سبام Spam 

Comments: