صحفية تتهم "ترامب" باغتصابها وترفع عليه قضية لإنكاره

05/11/2019

رفعت إي. جين كارول الصحفية بمجلة "Elle" النسخة الأمريكية، قضية على الرئيس الأمريكي دونالد ترامب تتهمه فيه بالسب والقذف، بعد ردوده اللي قالها يوليو اللي فات على اتهمامها له باغتصابها من 23 سنة!

وكانت الصحفية الأمريكية بتحكي في لقاء لها مع مجلة "نيويورك" إنها سنة 1995 أو 1996 قابلت "ترامب" في "بيرجدورف جودمان"، وطلب منها تساعده في إنه يشتري هدية لواحد ست، لحد ما قالها إن الهدية دي لها، وطلب منها تدخل تقيسها وقالها إنه هيدخل معاها!

في البداية افتكرته بيهزر لكن بتكمل حكايتها وبتقول إن ده حصل بالفعل ودخل معاها غرفة القياس واعتدى عليها، لحد ما عرفت تهرب منه وكان بالفعل اغتصبها، وخافت وقتها إنها تشتكيه قانونًا ينتقم منها، لكنها حكت لاتنين بس من صديقاتها الصحفيات، واللي شهدوا معاها إنها فعلًا راحتلهم وقتها، وأعلنت "كارول" إنها هتنشر كتاب عن سيرتها الذاتية هتحكي فيه القصة كلها وقصص عن اعتداءات تانية اتعرضت لها.

الرئيس الأمريكي كان رده إن دي أول مرة يشوف فيها الست دي وما شافهاش قبل كده، لكن المجلة نشرت صورة مشتركة مع "إي. جين" وجوزها، لكنه نفى تمامًا إن فيه حاجة من دي حصلت، وقالت إنها "مش نوعه المفضل" وبتعمل كده بس عشان تروج للكتاب الجديد بتاعها، وده اللي خلاها ترجع دلوقتي ترفع عليه قضية سب وقذف لأنه "لطخ مصداقيتها ونزاهتها" وقال إنها بتختلق القصص دي عنه وبينكر إن أي حاجة حصلت.

Comments: