بعد استعراض نجم الأهلى ضد لاعب الزمالك.. اشتباكات في الملعب وتريند "طرق وكباري"

06/11/2019

تصدر اسم لاعب فريق الأهلي لكرة السلة إيهاب أمين تريندات موقع التدوينات القصيرة "تويتر" بهاشتاج "إيهاب أمين للطرق والكباري" في إشارة لحركة استعراضية عملها اللاعب امبارح في مباراة الأهلي والزمالك ضمن تصفيات الدور الـ 16 لكاس مصر.

وكانت الحركة اللي استفزت لاعبين الزمالك هي إن "إيهاب" قام بتمرير الكرة من بين رجلين واحد من الفريق المنافس، وبناء عليه تصاعد غضبهم واتطور الموضوع لاشتباك بالايدين، وفي تعليق للاعب الأهلي على الحدث قال إن اللي عمله طبيعي وبيحصل في أوروبا وإنه ماكانش يقصد يستفزهم واندهش من رد الفعل، وكمل "الاحتكاكات في كرة السلة طبيعية، وواثق في التحكيم المصري" حسب تصريحاته لموقع "يلا كورة".

في نفس السياق علق محمد عبد المطلب، نائب رئيس اتحاد السلة في مداخلة تليفونية مع الإعلامي هاني حتحوت، في برنامج "الماتش" على قناة "صدى البلد" وقال إن ماحدش يقدر يغلط اللاعب قانونًا حتى لو كان اللي عمله مش حاجة شائعة أو متعودين عليها، وقال "مش حنهول الأزمة ومش هنقلل منها" وإن لسه تقرير مراقب المباراة هيتعرض على اتحاد كرة السلة، والغلطان هيتعاقب.


 

Comments: