إزاي تتخلص من أغنية معلقة في دماغك في 5 خطوات؟

06/11/2019

سماع الأغاني من الحاجات الترفيهية الأساسية في حياتنا، ومع غزو المهرجانات والراب والأغاني ذات الرتم السريع والكلام الغريب، بقى سهل الكوبليه تسمعه مرة يفضل يزعجك لأيام وإنت مش عارف تطلعه من دماغك، وأحيانًا ممكن تصحى بالليل تلاقيه شغال في بالك بردو!

عشان كده جمعنالك شوية نصايح عشان تتخلص من الحالة دي ودماغك ترتاح.

1- ارجع اسمع الأغنية كاملة وركز فيها وفي الكوبليه اللي معلق معاك وياريت تغني معاها وتقرا كلماتها وتطلع كل الاهتمام الممكن ناحيتها!

2- امضغ لبان، فيه ناس كتير ما بتقدرش تسمع حاجة وهي بتمضغ وده هيبقى تشتيت كويس.

3- اسحل دماغك في حاجة زي إنك تلعب حاجة فيها تفكير مثلًا سودوكو، الكلمات المتقاطعة، حل مسائل رياضيات، أو أي حاجة فيها تفكير.

4- اسمع أغنية تانية بتحبها وتقدر تندمج معاها لكن ما تكونش صاخبة فيها الكوبليهات اللي بتعلق دي أو ما تكونش اختبرت معاها حالة إنها تعلق معاك بالشكل ده قبل كده.

5- غني إنت أغنية تانية بنفس مواصفات النقطة اللي فاتت.

Comments: