شركة "Apple" تمنع أبلكيشن بيسهل الـ Stalking على إنستجرام

12/11/2019

قررت شركة Apple إنها تشيل من App store الخاص بيها تطبيق "Like Patrol" واللي بيسمح بمتابعة حساب شخص ما وجمع كل المعلومات الخاصة بيه وبنشاطه على "إنستجرام" وده الشيء اللي شافته "Apple" انتهاك للخصوصية ولقوانين جمع البيانات.

الأبلكيشن بيسمحلك باختيار شخص تتابعه وتعرف عامل فولو لمين؟ بيعمل لايك لمين؟ ولإيه؟ بيدور على إيه ومهتم بإيه؟ وبيعمل تحليل للبيانات دي ويطلعلك تفاصيل نهائية بتفضيلاته واهتماماته وبيعرف بنات أكتر ولا ولاد، وبيخاطب بشكل أساسي الناس في العلاقات، أو اللي بدأوا يهتموا بشخص جديد وعايزين يعرفوا عنه كل حاجة.

من ناحية تانية "إنستجرام" زمان كان فيه خاصية مشابهة زمان اتوقفت بعد ما اشتراه "فيسبوك" وكان رد صاحب الأبلكيشن الممنوع إنه بيعمل نفس الشيء اللي كانت بتعمله الخاصية المشروعة دي قبل كده، وأكد إنه هيدافع عن الأبلكيشن بتاعه للآخر لحد ما يرجع تاني.

التطبيق مش متاح على "Play store" ولا لمستخدمي الأندرويد عمومًا، وبيكلف المشتركين فيه 80 دولار سنويًا، وتم استخدامه حوالي 300 شخص لحد وقت منعه.

Comments: