أصعب 10 مواقف ممكن تمر بيها في علاقة عاطفية

26/11/2019

زي ما العلاقات العاطفية جزء أساسي من حياتنا، تعقيداتها بردو جزء لا يتجزأ من مشاكلنا اليومية، وزي ما بيتقال إن كل علاقة لها تفاصيلها وحالتها، ومفيش حياة حد زي التاني، ده لأن الظروف دايمًا قادرة على إنها تنتج حالة جديدة وموقف مركب ما كنتش تتخيل إنه يحصل، وفي الموضوع ده هنجمعلك شوية مواقف من إيحاء الحياة والأفلام والروايات، واللي ممكن تبقى أسوأ أو أصعب مواقف ممكن تمر بيها خلال علاقة.

1- إنك تطلع من قصة حب مأثرة فيك وتدخل في علاقة جديد مريحة ومناسبة ليك جدًا لكن تكتشف إن لسة عندك مشاعر ناحية الشخص اللي كنت مرتبط بيه.

2- نفس الشيء إنك تبقى في علاقة مستقرة وتقابل شخص تنجذبله أو تشوف فيه هو كمان حياة وعلاقة مناسبة ليك.

3- إنك تكتشف إنك في علاقة ما بقيتش مناسبة ليك لكن بعد ما يبقى بقالك سنين مرتبط بالشخص ده وهو مش حاسس زيك إنه مش مرتاح!

4- إنك ما تبقاش قادر تستقر مع شخص لأن دايمًا عندك إحساس إنك عايز تجرب تاني وتشوف ناس أكتر لحد ما تكتشف نفسك وتتأكد إيه المناسب ليك.

5- إنك تعجب بحد كان مرتبط بشخص تاني قريب منك، صديق ليك إو قريبك.

6- إنك تحب وشخص ويضطر يسافر برة وقت نسبيًا طويل.

7- في نفس السياق إنك تقابل حد جديد والشخص اللي بتحبه مسافر.

8- إنك تتفق مع حد على أي شكل لعلاقتكوا أو سياق لها والمشاعر والأفكار تتغير من طرفك أو من طرفه.

9- إن حد يعترفلك بغلطة عملها في حقك، وإنت تبقى مقتنع بندمه لكن مش قادر تتصالح معاه تاني.

10- إنك ترجع تشوف حد كنت بتحبه زمان وبقالك وقت مستني ترجع تبقى معاه تاني وتلاقي نفسك اتغيرت هو كمان اتغير والشخص اللي إنت مفتقده مابقاش له وجود.

Comments: