معاناة إنك تبقى الشخص "اللي بيهزر طول الوقت"

26/11/2019

الشخص اللي دمه خفيف، اللي بيهزر طول الوقت، هو في الغالب أكتر شخص محبوب ومطلوب وجوده في القعدة وبتتاخد عنه صورة موحدة إنه مصدر سعادة، لكن أكيد مفيش شخص سعيد طول الوقت، وصاحب الكل ربما يكون وحيد، عشان كده جمعنا هنا أهم الحاجات اللي بيعاني منها النوع ده من الأشخاص.

1- بيتحط بسهولة في "الفريندزون"!

2- الناس بتحطه في قالب واحد طول الوقت، إنه الشخص اللي دمه خفيف مفيش حاجة شاغلة باله أو ما عندهوش مشاكل.

3- كلامه مش بيتاخد على محمل الجد دايمًا حتى لو بيقول موضوع مهم وكان عايز حد يهتم.

4- الناس بتفتكر إنه ما عندهوش إحساس! أي حاجة أو هزار مش هتزعله.

5- ساعات ما بيقدرش يعبر عن مشاعره وبيحس إنه محرج من إنه يعمل حاجة كده.

6- بيبقى صعب يبان منه الشخص الجذاب أو الرومانسي فالدخول في علاقة مش حاجة سهلة.

7- ما بيعرفش يمسك نفسه! الألشة بتحكم معاه كتير وده ممكن يبقى في مواقف أو أماكن مش مناسبة زي الشغل أو اجتماع عمل.

8- أصحابك بيبقوا دايمًا مستنيين منك إن مودك يكون كويس وتعمل الجو المتوقع منك.

9- رجوعًا لأن صاحب الكل وحيد، الشخص اللي بيهزر طول الوقت بيبقى صعب يكون صداقات حقيقية أو يقرب من حد بعمق يلاقيه وقت ما يحتاج صديق قريب.

10- دايمًا بيبقى محل أنظار واهتمام وده ساعات بيبقى ضغط ودوشة.

Comments: