أغلى نوع جبن في العالم مصنوع من لبن الحمير: سعر الكيلو 1130 دولار 

27/11/2019

كل بلد وليها نوع الجبن اللي مشهورة بيها، يعني مثلا هنا في مصر من أهم أنواع الجبن هي الجبنة القديمة أو المش أو الجبنة القريش، وفي أوروبا أشهر أنواع الجبن هي الريكفور، لكن مهما كانت الجبن المستوردة دي غالية هتبقى حتى عرفت توفرلها مبلغ وتجربها ولو لمرة واحدة في حياتك.

لكن الحقيقة إن فيه نوع جبن تمنه عدى أي أكله ممكن نقول إنها غالية، وهي جبن الحمير الصربي، نوع الجبنة دي بيتميز بلونه الأبيض وكثافته وطعمه حاد، وعلى حسب رأي الناس إن طعمه حلو وعلى حسب رأي واحد من صناعة اسمه سلوبودان سيميتش إنه مفيد كمان، لكن مشكلة الجبنة دي الوحيدة هي إن سعر الكيلو منها حوالي 1130 دولار وده اللي بيخليه أغلى جبنة في العالم.

ومن بداية سنة 2012 فريق من المزارعين بيحلبوا قطيع من 200 حمار بيعيشوا في محمية زاسافيتشا الطبيعية في شمال صربيا والسبب الأساسي اللي بيخلي الجبنة دي غالية كده هي إن الحمير مابتنتجش كميات كبيرة من اللبن، وقال واحد من المزارعين هناك إن اللبن ده الطفل ممكن يشربه من أول يوم في عمره من غير ما يتخفف حتى.

واعترفت الأمم المتحدة إن اللبن ده فيه بروتينات وإنه بديل للبن العادي للناس اللي بتعاني من حساسية لبن البقر، وقال إن اللبن محتوى على مستويات منخفضة من الكايزين وهو نوع أساسي من البروتين في صناعة الأجبان.

موظفين المزرعة اللي في صربيا، قالوا إنهم اكتشفوا إن ممكن يتم خلط لبن الحمير مع لبن المعيز عشان يعملوا كتل جبن متفتفتة، والخليط ده بيزود الكمية القليلة اللي بينتجها الحيوان، لإن الحمار بينتج أقل من لتر لبن في اليوم ودي كمية قليلة مقارنة بالكمية اللي البقرة وهي 40 لتر لبن في اليوم.

والمزرعة بتبيع بين 6 لـ 15 كيلو جرام من الجبنة في السنة للأجانب والسياح اللي بيزروها، ده غير إن المزرعة بتنتج الصابون والمشروب من الحليب ده، وانتشرت في 2012 أخبار إن نجم الكرة الصربي " نوفاك ديوكوفيتش" اشترى كميات كتير من الجبن اللي معمول من لبن الحمير وده اللي نفاه اللاعب بعد كده.

Comments: