مرض "منير": مشكلة في مفصل الحوض غنى بسببها على كرسي في آخر حفلتين

01/12/2019

في شهر واحد، ظهر محمد منير في حفلتين وهو بيغني على كرسي، الأولى في مهرجان الموسيقى العربية التانية في نادي هيليوبوليس الشروق، الظهور بالشكل ده أثار مخاوف جمهور "منير"، خصوصا بعد كلام كتير بقاله أكتر من سنة ونص عن مرض غريب أو نادر أصاب "الكينج"، ودخل بسببه المستشفى.

"منير" كشف عن مرضه في حفلة "الشروق"، وقال لجمهوره "إحنا عيلة واحدة وأنا كنت عايز أقولكم على ظرف معين عندي، أنا جاتلي حاجة كده بتيجي لأي لعيب كورة، عندي مشكلة في مفصل الحوض، لكن ده عمره ما هيمنعني من الغنا، كان ممكن أتلكك واخد أجازة سنة لكن إنتوا هترضوا بكده؟"، الجمهور اتفاعل مع تصريح منير عن مرضه وهتفوا له.

Comments: