"شيبسي بلايز".. قرمشة سناكس جديدة اتحولت لـ"ترند"


الشهر اللي فات، نجحت شركة "شيبسي" إنها تبقى ترند على السوشيال ميديا بسبب منتجها الجديد "شيبسي بلايز"، وهو بطاطس منفوخة ومقرمشة بتقدمها شيبسي بـ 3 أطعمة مختلفة، جبنة مع فلفل حار، وطماطم مع فلفل أسود، وفراخ مشوية مع بهارات، ده غير الأطعمة المعروفة من زمان لمنتجات شيبسي.

"شيبسي" نجحت تبقى "ترند" عشان قدمت منتج مختلف بيراهن على التغيير اللي حصل في ذوق الجمهور اللي بقى ميال أكتر لتجربة الحاجات الجديدة والمبتكرة، عشان كده فكرت الشركة في "سناكس" جديدة من البطاطس غير الشكل التقليدي للبطاطس العادية بأشكالها اللي انتشرت آخر كام سنة، وده اللي خلى نسبة كبيرة من الشباب عايزة تجرب الشكل الجديد من البطاطس.

مش بس المنتج نفسه اللي خلى الناس بتتكلم عنه، لكن حملة الإعلانات اللي اتعملت عنه بخفة دم ساهمت في انتشار أكبر، لدرجة إن فيديوهات الحملة المنشورة على قناة "شيبسي" على "يوتيوب" لوحدها، حققت أكتر من 18 مليون مشاهدة في حوالي 20 يوم، واللي أدى نجاحها لظهور "ميمز" كتيرة عليها ساهمت أكتر في تحويل "شيبسي بلايز" لترند بالمعنى الحرفي، لدرجة إن "تويتات" كتيرة بتنتشر يوميا بيعبر فيها الناس عن إعجابهم بـ"بلايز" وعن نقصه في السوق.

Comments: