أغلى ١٥ حاجة في العالم: موبايلك مش من ضمنهم

08/12/2019

في الوقت اللي إنت وصحابك معاكوا فلوس قعدة القهوة، فيه ناس كتير في العالم بتصرف فلوسها بكميات غير منطقية بالنسبة لك، يمكن أغلى حاجة ممكن تبقى معاك أو مع حد من معارفك وصحابك هي "أي فون 11"، بس للأسف فيه حاجات أغلى من كده بكتير زي:

1- مجموعة الشطرنج: تشارلز هولاندر:

مجموعة الشطرنج دي بـ 600 ألف دولار اتعمل منها 7 مجموعات بس في العالم، وهي معمولة من 320 قيراط ماس أسود وأبيض، وبالرغم إن اتقال على بعض المواقع الإلكترونية إن مجموعة "Jewel Royale" هي الأغلى في العالم وإنها بـ 9.8 مليون دولار إلا إن الكلام ده مجرد إشاعات بس.

2- برجر: لو برجر:

البرجر ده سعره 295 دولار وبيتباع في  سيرينديبيتي 3 في مدينة نيويورك، والجدير بالذكر كمان إن البرجر ده الخله اللي بتيجي معاه ومسكاه من فوق لتحت كده مصنوعة من الدهب ومرصعة بالألماس.

3- كاميرا: Susse Freres daguerreotype:

الكاميرا سعرها 775 ألف دولار بيرجع تاريخها لسنة 1839، واتباعت الكاميرا دي في مزاد علني سنة 2007 ويعتقد إنها أقدم كاميرا تجارية اتصنعت في العالم.

4- عربية فيراري: 1962 Ferrari 250 GTO:

العربية سعرها 35 مليون دولار، ومن وقت مش بعيد أوي كات أغلى عربية في بريطانيا لما اتباعت لجامع عربيات متخصص.

5- غرفة الفندق: جناح بنتهاوس الملكي ، فندق بريزيدنت ويلسون في جنيف:

الأوضة 65 ألف دولار في الليلة، وفيها 10 أوض و 7 حمامات .

6- التلفزيون: PrestigeHD Supreme Rose Edition:

سعر التلفزيون ده بـ 2.3 مليون دولار، لإن التلفزيون ده المفروض إنه متغطي بجلد تمساح ومرصع بالماس وده اللي بيخليه معمول مخصوص عشان تبقى المشاهدة ممتعة.

7- بيانو: هاينزمان كريستال:

سعر البيانو 3.22 مليون دولار، واتصنع في بكين، واتباع في مزاد علنى وفيه مشتري خاص هو اللي خده.

8- دراجة نارية: دودج توماهوك V10 سوبربايك:

سعره 700 ألف دولار، وسرعته بتتجاوز 300 ميل في الساعة ده غير إنه ممكن يطلع من 0 لـ 60 في ثانيتين ونص.

9- ساعة: ( هوت جويري) من (شوبارد):

الساعة دي بـ 25 مليون دولار وبالرغم إن شكلها فوضوي إلا إنها أكيد خطفت شخص ما وخطفت محفظته معاه.

10- الشمبانيا: Heidsieck Monopole 1907:

سعر ازازة الشمبانيا دي بـ 25 ألف دولار، في أواخر التسعينات غرقت سفينة كان فيها 2000 إزازة شمبانيا منها ولقاها فريق البحث تحت المياه وهي كده بقالها قرن من الزمن.

11- مكبرات الصوت: نظام نقل الصوت النهائي:

سعرها 2 مليون دولار، السماعات دي مصنوعة من ألومنيوم الطيارات وطولها حوالى 4 أقدام.

12- لوحة: رقم 5 ، 1948:

سعرها حوالى 140 مليون دولار، وبالرغم من إن أعمال جاكسون بولوك خجت نصيبها من النقد يعني إلا إن ممكن أي حد يجيب قماشة ويلونها ويبيعها زيه.

13- البيت: انطليا مومباي:

البيت بـ 2 بليون دولار، اتسمى البيت بالأسم ده زي جزيرة  أنتيليا الأسطورية، وموجود في وسط مدينة مومباي بالهند وبيضم 600 موظف.

14- صورة : راين الثاني:

سعرها 4 مليون دولار، وبالرغم من "أندرياس غورسكي" مشهور بتصويره للمناظر الطبيعية إلا إن الصورة دي من نهر "راين" في ألمانيا ومافيهاش أكتر من أخضر ورمادي 

15- خاتم: شوبارد الأزرق الماس:

 سعره حوالي 16.26 مليون دولار، وطبعا فيه حاجات كتير جدا ممكن تخلي أي شخص يسرقك غير إنك تلبس خاتم واحد في ايدك بـ 16.26 مليون دولار 

Comments: