٧ مواضيع ماينفعش تفتحهم في أول Date

08/01/2020

إنك تقعد تحاول تبتكر كلام مع شخص يعتبر غريب بالنسبة لك، حاجة كده شبيهة بإنترفيو في شركة لما تكون بتحاول تبهر اللي قدامك فتبقى النتيجة إن بدل ما الكلام يبقى موزون بيبقى عشوائي ومش مترتب، وبالرغم من كمية البروفات اللي بتعملها مع حد من صحابك للإسكربت اللي راسمه في دماغك.

وعموما، مهم إن الكلام يبقى رايح جاي في الاتجاهين، عشان لو إنت بس اللي اتكلمت أو العكس في طرف منكم هيبقى مش مرتاح

بينقسم نوع الناس دايما إلى اتنين في أول date، منهم اللي بيسمع بس وبيبقى خايف يشارك أي تجربة عاطفية قديمة أو حاجات عائلية أو حتى اعتقادات، وناس تانية بتشارك كل دواخل حياتهم وتيجي زي ما تيجي بقى.

دايما بيبقى الهدف هو إنه الانطباع الأول اللي هياخده عنك الشخص يكون كويس، بس من كتر التوتر والقلق بيجيب نتيجة عكسية ويخليك تتكلم في مواضيع ماينفعش تتكلم فيها في أول date.

ابعد عن الـ 8 مواضيع دول في أول date علشان يعدي على خير وتقدر توصل للتاني:

 1- الـex 

كلامك عن الإكس هيشير لحاجات كتير، زي إنك لسه مش قادر تتجاوز المرحلة دي أو إنك مش مقتنع بالشخص لدرجة إنك بتفكر في الإكس حتى في أول date ليكم

2- الفلوس 

مش موضوع تتكلم فيه في أول مرة، لا بتقبض كتير علشان ده هيبين إنك شخص ثرثار ولا قليل لإن ده هيبين إن الموضوع موترك

3- السياسة

 دي موضوع عميق وتقيل أوي على أول date وممكن يقلب بغم، مش هتبقى عايز تفوت فرصة الـdate التاني لمجرد إن كل واحد عنده وجهة نظر سياسية مختلفة

4- المشاكل العائلية

خلفية عن عيلتك، لو الأوضاع الأسرية مش مستقرة، لو الأب كان ليه علاقات متعددة أو الأم ماكنتش حنينة القعدة هتقلب علاج نفساني بدل ما هي قعدة تعارف

5- الجنس

نبعد خالص عن أي موضوع جنسي علشان مش كل الناس تفكيرها واحد، والطرف التاني مش بيبقى كوّن صورة واضحة عنك، وفي نفس الوقت بنكون عايزين انطباع أول كويس، وفتح المواضيع دي ممكن يبين إن ده اهتمامك الأكبر أو الأول

6- الأسرار

الثقة ما بين شخصين، المفروض بيتم اكتسبها بعد وقت ومواقف فبلاش تشارك أسرارك في أول يوم

7- أفكارك السلبية

بدل ما تتكلم عن قد إيه إنت بتكره شغلك، اتكلم عن طموحاتك ومواهبك 

Comments: