٥ أسباب بتخلي الأطفال يحبوا جداتهم أكتر من أهلهم

12/01/2020

فيه دراسة بتقول إن الأشخاص اللي علاقتهم بجدتهم علاقة كويسة بيكونوا أقل عرضة للاكتئاب، ويمكن ده بسبب إن الجدات بتميل إنهم يبقوا حنينين أو بيحبوا يظهروا حبهم لأحفادهم أكتر من أطفالهم نفسهم، وده بيحصل عشان أسباب مش عشان هما عايزين يعملوا كده، والأسباب دي هي:

1- كل ما الشخص بيكبر كل ما بينضج أكتر وبيبقى لين أكتر:

كل ست بتعدي في حياتها بمراحل كتير أوي ومتعبة، بس لما بيبقوا جدات بيبقوا عدوا بتجارب كتير واختيارات وانتصارات وخبيات أمل وده بيبقى أكبر سبب بيخليهم يبقوا مرانين أكتر وناضجين أكتر ومنفتحين أكتر إن يكون ليهم علاقات ناضجة، وبيبدأوا العلاقة الناضجة دي مع أحفادهم.

2- الجدات ليهم أولويات مختلفة:

لما الست بتكون جدة أولوياتها بتختلف وده لإنها بتبقى متأكده إن خلاص ولادها كبروا ومش محتاجة تبذل مجهود كبير عشان تربي ولادها، وبيكون عندها وقت أكتر فبتقضي الوقت ده مع أحفادها، لإنها كمان بتكون مابتشتغلش أو قربت تطلع على المعاش، فبتبقى أحلى وظيفة ليها في الوقت ده هو إنها تعلم أحفادها اللي تعرفه.

لما تبقى بتحاولي كمان تعملي كل اللي ممكن تقدري عليه لأحفادك ده بيجذب انتباهم وطبعا هيفضلوا يفتكروا المجهود ده طول عمرهم لإنه حب غير مشروط بالنسبة لهم.

3- الجدات مش حاسمين زي الأمهات:

الطبيعي إن الأطفال يحبوا أهلم عشان عايشين معاهم وبيلبوا احتياجات أطفالهم وده بيخلق روابط قوية بينهم، وبالرغم من كده الأهل بيكونوا أوقات حاسمين جدا لما الموضوع بيتعلق بولادهم وزي ما بيقولوا عشان مصلحتهم، لكن العكس بيحصل مع الجدات لما أحفادهم بيتصرفوا تصرفات سيئة مابيكونوش حاسمين مع أحفادهم زي ما كانوا حاسمين مع ولادهم، وبيحبوهم برضه برغم التصرفات السيئة لإنهم بيحاولوا دايما يفوزوا بأحفادهم ويبقوا في صفهم وده اللي بيخلق الخلاف بين الأب والأم والجدات لإن الأهل بيشوفوا إن الجدات بيدلعوا الأطفال وبيبوظوا تربيتهم.

4- بيعملوا لأحفادهم اللي ماقدروش يعملوه لولادهم:

لما الجدات بيكبروا بيبقى عندهم فرصة يعملوا حاجات مع أحفادهم ماكنش فيه فرصة متاحة ليهم يعملوها مع ولادهم، خصوصا لإنهم بيبقوا كبروا وبيدركوا إيه اللي عملوه غلط مع ولادهم ومابيعملوهش مع أحفادهم تاني، غير إنهم يقدروا يعبروا براحتهم عن حبهم لأحفادهم من غير أي ضغط ومسؤولية إنهم أهل.

5- دور الجدة مفيهوش ضغط ومسؤولية كتير:

الأهل بيبقوا مسؤولين عن حاجات كتير لولادهم زي الأكل والتعليم لكن وهي جدة هي مش مسؤولة عن الدور ده، برغم إن دور الجدة مهم إلا إنهم ماعندهمش نفس مسؤولية الأهل ودورهم بيبقى مقتصر على تقديم الدعم والحب لأحفادهم.

Comments: